وفاقی دارالحکومت کی پولیس نے شہریوں کی شکایات کو مدنظر رکھتے ہوئے ناکوں پرڈیوٹی دینے والے اہلکاروں کی وردی پر ویڈیو کیمرہ نصب کرنے کا فیصلہ کیا ہے۔

تفصیلا ت  کے مطابق وفاقی دارالحکومت کی پولیس نےاپنے ایک بیان میں کہا کہ  ابتدائی طور پر 20 کیمرے خریدے جائیں گیں جو ناکوں پر کھڑے پولیس اہلکاروں کے یونیفارم پر نصب کیے جائیں گے۔

ترجمان پولیس کا کہنا تھا کہ یہ کیمرے جدید ترین ٹیکنالوجی سے منسلک ہوں گے جبکہ ناکے پر موجود اہلکاوں کو باقاعدہ طور پر ان کیمروں کو استعمال کے بارے میں ٹریننگ دی جائے گی۔

آئی جی اسلام آبادکی باکسرمحمدوسیم سےملاقات

ترجمان پولیس کا یہ بھی کہنا تھا کہ دوسرے مرحلے میں تھانوں تک یہ سہولت فراہم کردی جائے گی اور مستقبل میں ان کیمروں سے لاء ان آڈر جیسے موقعوں پر بھی مدد حاصل کی جائے گی۔

 ترجمان پولہس کا مزیدکہنا تھا کہ کیمروں کوسیف سٹی پراجیکٹ کےساتھ منسلک کیا جائے گا تاکہ ناکوں پر کھڑے پولیس اہلکاروں اور شہریوں کی گفتگو کو ریکارڈ کا حصہ بنایا جاسکے کیونکہ شہریوں کوشکایت تھی ناکےپراہلکاروں کارویہ اچھا نہیں ہوتا۔

آئی جی اسلام آباد پولیس کا کہنا  تھا کہ عوامی شکایات کو دور کرنے کیلئے ویڈیو کیمرےنصب کیے جارہے ہیں ان کیمروں کی مددسےبہت سارےمسائل حل ہوجائیں گے۔

واضح رہے کہ اس سے قبل بھی محکمہ داخلہ پنجاب نے لاہور شہر سمیت پنجاب میں ڈرون کیمروں کے استعمال پر پابندی میں مزید تین ماہ کی توسیع کرنے کا نوٹیفکیشن جاری کردیا تھا۔

محکمہ داخلہ نے پنجاب پولیس اور تمام اضلاع کی انتظامیہ کو ہدایت کرتے ہوئے کہا تھا کہ ڈرون کیمرہ کے استعمال پر جاری پابندی میں مزید تین ماہ کی توسیع کی گئی ہے۔

محکمہ داخلہ کا کہنا تھا کہ ڈرون کیمرہ کا استعمال کرنے والوں کیخلاف فوری طور پر مقدمات درج کئے جائیں اور ڈرون کیمرہ قبضہ میں لے لیا جائے جبکہ خلاف ورزی کرنیوالوں کیخلاف  قانونی کارروائی عمل میں لائی جائے۔