سابق صدر پرویز مشرف کوخصوصی عدالت کی جانب سے سزائے موت کا فیصلہ سنائے جانے کے بعد پیپلزپارٹی کی جانب سے ردعمل کااظہار کردیاگیا۔
پیپلزپارٹی چئیرمین بلاول بھٹوکی جانب سےسماجی روبطے کی ویب سائٹ ٹویٹر پر اپنی والدہ بے نظیربھٹو کے قتل سے چند لمحے پہلےان کے آخری جلسے کی تصویرشئیر کی گئی ہے۔
بلاول بھٹو نے بے نظیر بھٹو کی تصویر پوسٹ کرتے ہوئے لکھا ہے کہ ’جمہوریت بہترین انتقام ہے، جئے بھٹو‘۔
Democracy is the best revenge. Jiye Bhutto pic.twitter.com/L4wLEjUJTl
Advertisement— BilawalBhuttoZardari (@BBhuttoZardari) December 17, 2019
یاد رہے کہ 27 دسمبر2007 کےاس جلسے کے بعد بے نظیر بھٹو کے قافلے پر خودکش دھماکا ہوا تھا جس کی کچھ دیر بعد جب بے نظیر بھٹو اپنی گاڑی میں بیٹھنے لگیں تو اس سے پہلے ہی ان کو فائرنگ کرکے قتل کردیاگیا۔
اس وقت اقتدار پر سابق صدر پرویز مشرف براجمان تھے جن کے خلاف پیپلز پارٹی نے بے نظیر بھٹوقتل کیس میں انہیں نامزد کیا۔
خیال رہے کہ پرویز مشرف سنگین غداری کیس میں اسلام آباد کی خصوصی عدالت کی جانب سے فیصلہ سنا دیاگیا، خصوصی عدالت نے پرویزمشرف کو سزائے موت کاحکم دیاہے۔
خصوصی عدالت کے دو ججز نےفیصلہ دیاہے اورسابق صدر پرویز مشرف کو سنگین غداری کا مرتکب قراردے دیاہے۔
چیف جسٹس پشاورہائیکورٹ اورخصوصی عدالت کے سربراہ جسٹس وقارسیٹھ کی سربراہی میں 3 رکنی بینچ نےسابق صدرپرویز مشرف کے خلاف سنگین غداری کیس کی سماعت کی اور جسٹس سیٹھ وقار نے چار سطروں پر مشتمل مختصر فیصلہ پڑھ کر سنایا۔
عدالت نےمختصر فیصلہ جاری کرتے ہوئے کہاکہ پرویزمشرف نے 3 نومبر 2007 کو آئین پامال کیا، پرویز
مشرف سزا کے مرتکب ہیں۔
تین رکنی بینچ میں سے دو ججز نے سزائے موت کے فیصلے کی حمایت کی جب کہ ایک جج نے اس سے اختلاف کیا۔
یاد رہے کہ خصوصی عدالت 20 نومبر 2013 کو قائم کی گئی تھی جس میں پرویز مشرف پر31 مارچ 2014 کو عدالت نے فرد جرم عائد کی تھی۔
خصوصی عدالت نے 19 جون، 2016 کو پرویزمشرف کو مفرور قرار دیاتھا جس کے بعدخصوصی عدالت کی 6 دفعہ تشکیل نو ہوئی۔
خصوصی عدالت کی جانب سے سابق صدر پرویزمشرف کو پھانسی کی سزا سنائی گئی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News