صدر مملکت ڈاکٹر عارف علوی نے کہا ہے کہ امید ہے کہ کشمیری عوام کی حالت زار کے مدنظر فرانس اپنا منصفانہ کردار ادا کرے گا اور بھارت پر مقبوضہ کشمیر میں انسانی حقوق کی خلاف ورزیوں کے خاتمے کے لیے اپنا دباو ڈالے گا۔

فرانسیسی سفیر مارک باریٹی نےصدر مملکت ڈاکٹر عارف علوی سے  ایوان صدر میں  ملاقات کی، اس موقع پر صدر مملکت ڈاکٹڑ عارف علوی نے کہا ہے کہ متنازع شہریت (ترمیمی) ایکٹ 2019 بھارت کی سیکولر شناخت کا خاتمہ ہے جس سے اقلیتوں بالخصوص مسلمانوں کو انتہائی سنجیدہ خطرات لاحق ہو گئے ہیں۔

فرانسیسی سفیر نے واضح کیا ہے کہ فرانس کی انسانی حقوق کے حوالے سے ایک واضح پالیسی موجود ہے, انسانی حقوق کا تحفظ ہر صورت میں یقینی بنایا جائے۔

صدر مملکت نے کہا ہے کہ مقبوضہ کشمیر مسلسل لاک ڈاون کا شکار ہے وہاں عوام کی تمام شہری آزادیاں صلب کی جا رہی ہیں کشمیری عوام کو بیدردی سے متشددانہ قتل عام, آبروریزی اور حراست میں لیے جانے کا نشانہ بنایا جا رہا ہے۔

ڈاکٹڑ عارف علوی نے مزید کہا کہ امید ہے کہ کشمیری عوام کی حالت زار کے مدنظر فرانس اپنا منصفانہ کردار ادا کرے گا اور بھارت پر مقبوضہ کشمیر میں انسانی حقوق کی خلاف ورزیوں کے خاتمے کے لیے اپنا دباو ڈالے گا۔

ڈاکٹر عارف علوی کا کہنا تھا کہ پاکستان فرانس کے ساتھ اقتصادی تعاون کے فروغ کا خواہشمند ہے, پاکستان میں سرمایہ کار دوست پالیسیوں کے باعث سرمایہ کاری کے وسیع مواقع موجود ہیں-

مقبوضہ کشمیر کی صورتحال پر فرانسیسی سفیر مارک باریٹی نے واضح کیا فرانس کی انسانی حقوق کے حوالے سے ایک واضح پالیسی موجود ہے اورانسانی حقوق کا تحفظ ہر صورت میں یقینی بنایا جانا چاہیے جبکہ پاکستان اپنے قدرتی حسن میں مالامال ہے جس کے باعث یہاں سیاحت کا کافی پوٹینشل موجود ہے۔