وزیراطلاعات پنجاب فیاض الحسن چوہان کہناہے کہ پورےپاکستان میں ہرفورم پرلوگ پرویزمشرف کی حمایت میں سامنےآرہےہیں، کیاتین جنگیں لڑنےوالاغدارپاکستان ہوسکتا ہے۔
تفصیلات کے مطابق صوبائی وزیر اطلاعات فیاض الحسن چوہان نےپنجاب اسمبلی کے باہر میڈیا سے گفتگوکرتے ہوئے کہاکہ لوگ پرویز مشرف کی سزا کیخلاف ان کی حمایت میں نکل رہےہیں، کیاملک کی خاطر تین جنگیں لڑنےوالاغدارپاکستان ہوسکتا ہے؟
فیاض الحسن چوہان نے کہا کہ پرویز مشرف کی قیادت میں بیت اللہ کو دہشتگردوں سے پاک کیا۔ انہوں نےخانہ کعبہ میں دہشتگردوں کو صفایاکیا۔
فیاض الحسن پر تشدد کرنیوالے وکیل کےگھرپر چھاپہ
انہوں نے کہاکہ پاک فوج کے جوانوں نے ملک کی خاطر قربانیاں دیں، پاک فوج امن وامان کیلئےکردار اداکررہی ہےاوراحسن طریقے سے تمام معاملات چلارہی ہے۔
صوبائی وزیرنے مزید کہا کہ ابھی تک بلدیہ فیکٹری کیس میں کوئی سزائےموت کافیصلہ نہیں آیااور اس کیس سے متعلق کوئی سزا نہیں ہوئی۔
ان کاکہناتھا کہ جس ملک میں کرپشن عام ہووہاں کی خودمختاری کوکوئی سکیورنہیں کرسکتا،کرپشن عام ہونےپراس ملک کی سیکیورٹی سوالیہ نشان بن جاتی ہے۔
گذشتہ روزپرویز مشرف سنگین غداری کیس میں اسلام آباد کی خصوصی عدالت کی جانب سے فیصلہ سنا دیاگیا، خصوصی عدالت نے سابق صدر کو سزائے موت کاحکم دیاہے۔
خصوصی عدالت کے دو ججز نےفیصلہ دیاہے اورسابق صدر پرویز مشرف کو سنگین غداری کا مرتکب قراردے دیاہے۔
چیف جسٹس پشاورہائیکورٹ اورخصوصی عدالت کے سربراہ جسٹس وقارسیٹھ کی سربراہی میں 3 رکنی بینچ نےسابق صدرپرویز مشرف کے خلاف سنگین غداری کیس کی سماعت کی اور جسٹس سیٹھ وقار نے چار سطروں پر مشتمل مختصر فیصلہ پڑھ کر سنایا۔
عدالت نےمختصر فیصلہ جاری کرتے ہوئے کہاکہ پرویزمشرف نے 3 نومبر 2007 کو آئین پامال کیا، پرویز مشرف سزا کے مرتکب ہیں۔
تین رکنی بینچ میں سے دو ججز نے سزائے موت کے فیصلے کی حمایت کی جب کہ ایک جج نے اس سے اختلاف کیا۔
پرویز مشرف کی سنگین غداری سےمتعلق خصوصی عدالت 20 نومبر 2013 کو قائم کی گئی تھی جس میں ان پر31 مارچ 2014 کو عدالت نے فرد جرم عائد کی تھی۔
خصوصی عدالت نے 19 جون، 2016 کو پرویزمشرف کو مفرور قرار دیاتھا جس کے بعدخصوصی عدالت کی 6 دفعہ تشکیل نو ہوئی۔
خصوصی عدالت کی جانب سے سابق صدر پرویزمشرف کو پھانسی کی سزا سنائی گئی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News