پرویزمشرف کی سزاپرحکومتی موقف کااعلان
پرویز مشرف کی سزائے موت کے فیصلے پرمعاون خصوصی فردوس عاشق اعوان نے ردعمل کااظہار کرتے ہوئے کہاہے کہ سنگین غداری کیس کے فیصلے پرقانونی ٹیم جائزہ لے گی۔
اسلام آباد میں ایک تقریب سے خطاب کرتے ہوئے فردوس عاشق اعوان نے کہا کہ انہوں نے مشرف کی سزائے موت کا سنا ہے لیکن ابھی پوری خبر کا پتہ چلنے دیں۔
معاون خصوصی کاکہناتھا کہ وزیراعظم کی وطن واپسی پر انہیں فیصلوں پر بریفنگ دی جائے گی اورقانونی ٹیم سے مشاورت کے بعد حکومت اپنا لائحہ عمل بنائے گی۔
ڈاکٹر فردوس عاشق اعوان کا مزید کہناتھا کہ ہم مشاورت کے بعد اپنا بیانیہ میڈیا کے سامنے رکھیں گے،وزیراعظم کے دورہ ملائیشیا کی منسوخی کی وجوہات سے بھی میڈیا کو آگاہ کریں گے۔
فردوس عاشق اعوان کا کہنا تھا کہ وزیراعظم کل واپس آرہے ہیں جس کے بعد وہ اس کے لیگل فریم ورک کو دیکھیں گے۔
خیال رہے کہ پرویز مشرف سنگین غداری کیس میں اسلام آباد کی خصوصی عدالت کی جانب سے فیصلہ سنا دیاگیا، خصوصی عدالت نے پرویزمشرف کو سزائے موت کاحکم دیاہے۔
خصوصی عدالت کے دو ججز نےفیصلہ دیاہے اورسابق صدر پرویز مشرف کو سنگین غداری کا مرتکب قراردے دیاہے۔
چیف جسٹس پشاورہائیکورٹ اورخصوصی عدالت کے سربراہ جسٹس وقارسیٹھ کی سربراہی میں 3 رکنی بینچ نےسابق صدرپرویز مشرف کے خلاف سنگین غداری کیس کی سماعت کی اور جسٹس سیٹھ وقار نے چار سطروں پر مشتمل مختصر فیصلہ پڑھ کر سنایا۔
عدالت نےمختصر فیصلہ جاری کرتے ہوئے کہاکہ پرویزمشرف نے 3 نومبر 2007 کو آئین پامال کیا، پرویز مشرف سزا کے مرتکب ہیں۔
پیپلزپارٹی کرپشن کی وجہ سےدفن ہوگئی ہے،فردوس عاشق اعوان
تین رکنی بینچ میں سے دو ججز نے سزائے موت کے فیصلے کی حمایت کی جب کہ ایک جج نے اس سے اختلاف کیا۔
یاد رہے کہ خصوصی عدالت 20 نومبر 2013 کو قائم کی گئی تھی جس میں پرویز مشرف پر31 مارچ 2014 کو عدالت نے فرد جرم عائد کی تھی۔
مریم نواز کا نام ای سیل ایل سے نکالنے کا فیصلہ ابھی نہیں کیا: فردوس اعوان
خصوصی عدالت نے 19 جون، 2016 کو پرویزمشرف کو مفرور قرار دیاتھا جس کے بعدخصوصی عدالت کی 6 دفعہ تشکیل نو ہوئی۔
خصوصی عدالت کی جانب سے سابق صدر پرویزمشرف کو پھانسی کی سزا سنائی گئی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News