کرونا وائرس سے نمٹنے کے لیے وزیراعظم عمران خان نے بین الوزارتی کمیٹی تشکیل دے دی ہے۔
تفصیلات کے مطابق پا کستان میں کرونا وائرس سے کیسے نمٹا جائے، اس سلسلے میں وزیر اعظم پاکستان نے مختلف وزارتوں کے درمیان 15 رکنی کمیٹی تشکیل دی ہے جو ایک ہفتے میں سفارشات تیار کرے گی۔
کورونا وائرس: چین اتنی جلدی ہسپتال کیسے بنا سکتا ہے؟
ذرائع کے مطابق پاکستان سمیت دنیا بھر میں کروناوائرس نے خطرے کی گھنٹیاں بجا دی ہیں ، چین سے شروع اور پھیلنے والا خطرناک کرونا وائرس جان لیوا مرض میں تبدیل ہوگیا ہے۔
کروناوائرس سے چین میں ہلاکتیں اور متاثرہ افراد کی تعداد مسلسل بڑھ رہی ہے جبکہ دیگر ملکوں میں بھی مریضوں میں اس وائرس کی تشخیص سامنے آرہی ہے۔
ذرائع کے مطابق چین کے شہر ووہان میں دو ہزار پاکستانی طلبہ پھنس گئے ہیں، راستوں اور رابطوں کی بندش کی وجہ سے غذائی قلت کا بھی سامنا ہے۔
اس کے ساتھ ساتھ چین میں کل بارہ جامعات میں زیر تعلیم سیکڑوں پاکستانی طلبہ نے حکومت سے وطن واپسی میں مدد کی اپیل کر دی ہے۔
اس سلسلے میں وزیر خارجہ شاہ محمود قریشی کا کہنا ہے کہ گھبرانا نہیں، طلبہ کسی بھی معلومات کے لیے سفارت خانے سے رابطہ کر سکتے ہیں۔
انھوں نے مزید بتایا کہ چینی وزارت خارجہ کے ساتھ بیجنگ سے مسلسل رابطے میں ہیں، ووہان میں 500 کے قریب رجسٹرڈ طلبہ ہیں، نان رجسٹرڈ کو شامل کر کے تعداد 800 کے درمیان بنتی ہے، اطلاعات کے مطابق کوئی پاکستانی وائرس سے متاثر نہیں ہے۔
چین کے دارالحکومت بیجنگ میں بھی کرونا وائرس سے پہلی ہلاکت رپورٹ ہوگئی ہے، مرنے والی بچی کی عمر 9 ماہ تھی۔
پاکستان اور امریکا سمیت دنیا کے کئی ممالک اپنے ایئرپورٹس پر وائرس سے بچاؤ کے لیےحفاظتی اقدامات کررہے ہیں۔
صرف چین میں وائرس سے ہلاک افراد کی تعداد 106 ہوگئی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News