وزیر اطلاعات سندھ سعید غنی نے کہا ہے کہ گندم کا بحران اس وقت پورے ملک میں ہے جس کی وجہ وفاقی حکومت کی نااہلی ہے۔

تفصیلات کے مطابق وزیر اطلاعات سندھ سعید غنی نے  اپنے ایک بیان میں پی ٹی آئی رہنماؤں کے بیانات پر ردعمل دیتے ہوئے کہا  کہ صوبہ سندھ میں بحران کی وجہ ٹرانسپورٹرز کی ہڑتال تھی جو دس روز تک جاری رہی جسکی وجہ سے جو گندم پنجاب اور بلوچستان کے گوداموں سے اٹھانی تھی وہ وفاقی حکومت کی نااہلی کی وجہ سے نا اٹھ سکی۔

اپنے بیان میں وزیر اطلاعات سندھ نے کہا  کہ ہڑتال ختم ہونے کے بعد اب تک 70 ہزار بوریاں ہم تک آچکی ہیں ،ہماری کوشش ہے کہ اس رفتار کو تیز کریں، آئیند دو چار روز میں ہم اس قلت پر قابو پا لیں گے۔

سعید غنی ے  پی ٹی آئی رہنماؤں پر تنقید کرتے ہوئے کہا کہ سندھ میں ہماری کوتاہی ہے تو پنجاب میں بحران کی کیا وجہ بنی ؟؟  انھوں نے مزید کہا کہ وزیراعظم اپنی اس نااہلی کی وجہ سے قوم سے معافی مانگیں۔

وزیر اطلاعات سندھ سعید غنینے مزید کہا کہ اگر وفاقی حکومت نے ہر ذمہ داری سندھ حکومت پر ڈالنی ہے تو وفاقی حکومت کو استعفیٰ دے کر اپنی نااہلی تسلیم کرنی چاہیے اور عوام کی جان چھوڑنی چاہیے۔

واضح رہے اس سے قبل وزیرِ اعظم عمران خان کی معاونِ خصوصی برائے اطلاعات و نشریات ڈاکٹر فردوس عاشق اعوان نے  اپنے ایک بیان میں کہا تھا  کہ سندھ حکومت کی کوتاہی کے باعث آٹے  کے ذخیرے میں کمی پیدا ہوئی جبکہ آٹے کی سپلائی اور قیمتوں سے متعلق میڈیا پر منفی پروپیگنڈا چل رہا ہے۔

یاد رہے کہ ملک بھرمیں جاری آٹےکابحران شدت اختیارکرنےلگاہےتاہم انتظامیہ حل نکالنےکے بجائےایک دوسرے پر الزامات  ڈالنےمیں مصروف ہیں۔

ملک بھرمیں قیمتیں بڑھنےکےبعدایک مرتبہ پھرآٹےکابحران سراٹھانےلگاہےاورحکومت اورمتعلقہ اسٹیک ہولڈرزذمہ داری لینےاور مسئلے کا حل تلاش کرنے کے بجائےبحران کا قصوروارایک دوسرے کو ٹھہرارہےہیں۔

چند دن قبل وزیراعظم عمران خان نےصوبائی حکام کوہدایات جاری کی تھیں کہ وہ مہنگی اشیائے خوردونوش کا تدارک کرتے ہوئے عوام کوسستی اشیاکی فراہمی یقینی بنائیں اورناجائزمنافع خوروں کےخلاف کارروائی کریں۔

ملک بھر کےچاروں  صوبوں اوروفاقی دارالحکومت اسلام آباد میں آٹےکاشدید بحران پیدا ہونےکےبعدیہ معاملہ بھی سیاست کی نذرہوگیاہےجہاں تحریک انصاف کی زیرقیادت وفاقی اورپنجاب وخیبرپختونخواکی صوبائی حکومتیں اس بحران کا ذمےدارگندم کی کمی کےسبب سندھ میں حکومت کرنے والی پیپلز پارٹی کو قراردےرہی ہیں۔