آئی جی سندھ سےمشاورت کےبغیرافسران کاتبادلہ نہیں کیاجاسکتا،سندھ ہائیکورٹ
سندھ ہائیکورٹ نےڈی آئی جی اورایس ایس پی کے تبادلےکو غیر قانونی قرار دےدیا۔
تفصیلات کےمطابق سندھ ہائیکورٹ نے ڈی آئی جی خادم حسین رنداورایس ایس پی ڈاکٹررضوان کے تبادلےغیرقانونی قرار دیتے ہوئےکہا کہ آئی جی سندھ کلیم امام کی مشاورت کےبغیر افسران کاتبادلہ نہیں کیاجاسکتا۔
ممتازسماجی رہنما جبران ناصر کی جانب سے سندھ ہائیکورٹ میں ڈی آئی جی خادم حسین رند اور ایس ایس پی ڈاکٹر رضوان کے تبادلے کے خلاف دائر درخواست کی سماعت ہوئی۔
درخواست کی سماعت کے بعد سندھ ہائیکورٹ نے دونوں افسران کے تبادلوں کو غیر قانونی قرار دے دیا اور حکم دیا کہ آئی جی سندھ سے مشاورت کے بغیر افسران کا تبادلہ نہیں کیا جاسکتا۔
سندھ ہائیکورٹ نے اپنے فیصلے میں کہا کہ تبادلوں میں سندھ پولیس ایکٹ کے آرٹیکل 17 کی خلاف ورزی کی گئی ہے۔
فیصلےمیں مزیدکہاگیا کہ سندھ حکومت افسران کےتبادلےکےلیےآئی جی سندھ سےمشاورت کی پابند ہے۔
واضح رہے کہ اس سے قبل سندھ ہائیکورٹ نے دونوں افسران کے تبادلے پر حکم امتناع جاری کر رکھا تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News