سابق وزیراعظم نوازشریف کی لندن میں چہل قدمی اور مہنگے ریستورانٹ میں ناشتے کی تصویر وائرل ہوگئی۔
تفصیلات کے مطابق سابق وزیراعظم نوازشریف کی لندن میں ریستوران میں ناشتے کی تصاویر سوشل میڈیا پر وائرل ہوگئی، تصویر میں نوازشریف کے صاحبزادوں حسن ،حسین نواز سمیت اپوزیشن لیڈر شہباز شریف اور سابق وزیرخزانہ اسحاق ڈار مہنگے ترین ریستوران میں ناشتہ کرتے دیکھا جاسکتا ہے۔
فیملی ذرائع کے مطابق ڈاکٹرز کی ہدایت پر نوازشریف چہل قدمی کیلئے اہلخانہ کے ہمراہ باہر گئے تھے۔
دوسری جانب وزیراعظم عمران خان کی جانب سے نوازشریف کی ریسٹورنٹس میں بیٹھے گپ شپ کا نوٹس لیتے ہوئے وزیر صحت ڈاکٹر یاسمین راشد کو ٹیلی فون کر کے رپورٹس منگوانے کی ہدایات بھی کردی گئی ہے۔
صوبائی وزیرصحت نے سوشل میڈیا پر چلنے والی تصویرکی بناء پر ڈاکٹرعدنان سے نوازشریف کی تازہ میڈیکل رپورٹس فورابھجوانے کا کہا۔
نوازشریف نے سیاسی جانشین کا انتخاب کرلیا
وفاقی وزیر فواد چوہدری نے سوشل میڈیا پر نواز شریف کی تصاویر وائرل کرتے ہوئے طنزیہ انداز اپناتے ہوئے بولا ہے کہ لندن کے اسپتال کے انتہائی نگہداشت یونٹ میں ہونیوالی ملاقات کے مناظر ہیں۔
لندن کے ھسپتال کے انتہائ نگہداشت یونٹ میں ہونیوالی ملاقات کے مناظر۔۔۔ کھاؤ پیو بیماری کا علاج انتہائ انہماک سے جاری ہے اور سارے مریض بہتر محسوس کر رہے ہیں۔ pic.twitter.com/pl6Z2hlXw6
— Ch Fawad Hussain (@fawadchaudhry) January 13, 2020
یاد رہے دو روز قبل سابق افغان صدر حامد کرزئی لندن میں نواز شریف کی عیادت کے لیے ایون فیلڈ اپارٹمنٹس پہنچے، جہاں انہوں نے مسلم لیگ ن کے قائد سے ملاقات کی ، نوازشریف کی عیادت کے بعد میڈیا سے گفتگو کرتے ہوئے سابق افغان صدر حامد کرزئی کا کہنا تھا کہ نوازشریف کی عیادت کے لیے آیا تھا، طبیعت اچھی ہے۔ انہوں نے کہا کہ اپنے گہرےدوست سے مل کر بہت خوشی ہوئی۔
خیال رہے سابق وزیراعظم نوازشریف کے علاج کے سلسلہ میں 20 نومبر سے لندن میں موجود ہیں، اسپتال ذرائع کے مطابق نوازشریف کے دل کوخون پہنچانے والی شریان سکڑ گئی ہے ، خون کی روانی کو برقراررکھنےکیلئے’’کورنری انٹروینشن‘‘ کی ضرورت ہے اور اگر علاج کامیاب نہ ہوا تو مسلم لیگ ن کے تاحیات صدر کا بائی پاس کیا جائے گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News