وزیراعظم عمران خان نے 2013 کے ہونے والے جلسہ جس  میں وہ اسٹیج سے گر کر زخمی ہوئے تھے کچھ اہم باتیں بتا دی۔

تفصیلات کے مطابق وزیراعظم عمران خان نے بتایا کہ 2013 میں جب وہ سیڑھی سے گر کر زخمی ہوئے تو شوکت خانم اسپتال کے ڈاکٹر عاصم نے ایسا ٹیکا لگایا کہ درد دور ہو گیا اور نرسیں ’حوریں‘ لگنے لگی۔

عمران خان کا کہنا تھا کہ میں نے تقریر بھی کردی جو مجھے یاد نہیں، درد دوبارہ ہونے لگا تو ڈاکٹر سے کہا کہ ایک ٹیکا اور لگاؤ۔

عمران خان کے کہنے پر بھی ڈاکٹر عاصم نے انہیں دوبارہ ٹیکہ لگوانے سے انکار کردیا۔

وزیراعظم نے کہا کہ ڈاکٹر کے انکار پر انہوں نے اسے دھمکی دی اور کہا کہ ٹیکہ لگاؤ ورنہ چھوڑوں گا نہیں تاہم ڈاکٹر عاصم نے کہنے کے باوجود دوبارہ ٹیکہ نہیں لگایا۔

یاد رہے کہ 2013 کے انتخابات سے محض چار روز قبل سات مئی کو عمران خان لاہور کے ایک جلسے کے دوران اسٹیج سے گرنے سے شدید زخمی ہوگئے تھے۔

ڈاکٹروں کے مطابق تحریک انصاف چیئرمین کے سر کے پچھلے حصے پر زخم آئے تھے۔

عمران خان کو پہلے فضل اسپتال لبرٹی لےجایا گیا تھا جہاں انہیں ابتدائی طبی امداد فراہم کی گئی تھی۔

واضح رہے بعد میں عمران خان کو شوکت خانم اسپتال لے گئے تھے جہاں ان کا مکمل معائنہ کیا گیا تھا۔