آزاد کشمیر میں برفباری اور لینڈ سلائیڈنگ کی تباہ کاریوں کے باعث وزیر اعظم عمران خان کل آزاد کشمیر کا دورہ کریں گے۔

تفصیلات کے مطابق ذرائع کا کہنا ہے کہ وزیر اعظم عمران خان نے کل ہونے والی اپنی تمام سیاسی  مصروفیات ترک کر دی ہیں تا کہ وہ آزاد کشمیر میں برفباری کے باعث تباہ ہونے والے علاقوں کا دورہ کرسکیں۔

ذرائع نے بتایا ہے کہ وزیر اعظم عمران خان کل آزاد کشمیر میں متاثرہ علاقوں کا دورہ کریں گے۔

ذرائع نے بتایا ہے کہ وزیر اعظم عمران خان کل دن گیارہ بجے آزادکشمیر کا دورہ کریں گے جبکہ وزیر امور کشمیر علی امین گنڈاپور بھی وزیر اعظم کے ہمراہ دورہ کریں گے۔

وزیراعظم نے سرکاری ملازمین کے مقدمات جلد نمٹانے کی ہدایت کردی

وزیر اعظم عمران خان کل علاقے میں تباہ کاریوں اور ریلیف کی سرگرمیوں کا جائزہ لیں گے اور وزیر اعظم عمران خان متاثرہ خاندانوں سے ملاقات بھی کریں گے۔

واضح رہے کہ وزیراعظم عمران خان نے اپنے ٹوئٹ پیغام میں آزاد کشمیر میں ہونے والی شدید برف باری اور لینڈ سلائیڈنگ کے نتیجے میں فوری اماد کی ہدایت بھی کی تھی۔

انہوں نے این ڈی ایم اے، فوج، وفاقی وزراء کو ہنگامی بنیادوں پر امداد فراہیمی کی ہدایت کی تھی۔

خیال رہے کہ آزاد کشمیر میں شدید برفباری کے دوران برفانی تودے گرنے سے 62 افراد جاں بحق جبکہ 47 افراد زخمی ہوگئے، 56 سے زائد مکانات مکمل تباہ ہو گئے۔

این ڈی ایم اے کے مطابق ملک بھر میں برفباری وبارشوں سے اب تک 77 افراد جاں بحق ہوئے جن میں سب سے زیادہ ہلاکتیں آزاد کشمیر میں ہوئیں جبکہ بلوچستان میں 15 افراد جاں بحق ہوئے۔

این ڈی ایم اے نے بتایا کہ 72 گھنٹے میں سب سے زیادہ 66.25 ملی میٹر بارش بانڈی عباس پور میں ہوئی، دارالحکومت اسلام آباد میں 31.75 ملی میٹر بارش ہوئی۔