وزیر اعظم عمران خان کی جانب سے ملک کے تمام صوبوں میں بون میرو ٹرانسپلانٹ کے اسپتال بنانے کا فیصلہ کرلیا گیا ہے۔
تفصیلات کے مطابق وزیر اعظم عمران خان کی ہدایت پر بون میرو ٹرانسپلانٹ کے لیے نیشنل انسٹی ٹیوٹ آف بلڈ ڈیزیز (این آئی بی ڈی) اسپتال بنانے کا فیصلہ کرلیا گیا ہے، پہلے مرحلے میں پنجاب میں مذکورہ اسپتال کا سنگ بنیاد رکھا جائے گا۔
ذرائع کا کہنا ہے کہ چاروں صوبوں میں 500 بستروں کے بون میرو اسپتال بنائے جائیں گے۔ اس حوالے سے وزیر اعلیٰ پنجاب سردار عثمان بزدار نے این آئی بی ڈی کے سربراہ طاہر شمسی سے مشاورت مکمل کرلی۔
ذرائع کے مطابق سندھ، پنجاب، پختونخواہ اور بلوچستان میں اسپتال قائم ہوں گے، ایک یونٹ کی تعمیر پر 6 ارب روپے کی لاگت آئے گی۔ پہلے مرحلے میں پنجاب میں یونٹ کا سنگ بنیاد رکھا جائے گا۔
لاہور کے سرکاری اسپتال کے واش روم میں بچے کی پیدائش
مشاورتی عمل کے دوران ڈاکٹر طاہر شمسی نے پنجاب میں 2 سو بستروں سے اسپتال شروع کرنے کی تجویز دی۔
انہوں نے کہا کہ پروجیکٹ کے لیے ماہرین اور انفرا اسٹرکچر کی ضرورت ہے۔
ڈاکٹر طاہر شمسی کے مطابق پاکستان میں بون میرو ٹرانسپلانٹ کے اسپتال نجی شعبے میں قائم ہیں، ملک میں سالانہ 10 ہزار خون کے کینسر کے مریض ہوتے ہیں۔ این آئی بی ڈی اب تک 800 بون میرو ٹرانسپلانٹ مکمل کر چکا ہے۔
واضح رہے کہ اس سے قبل گذشتہ سال حکومت سندھ نے صوبے میں خون کے کینسر کے مریضوں کا بون میرو ٹرانسپلانٹ کے مفت علاج کیلیے 2 بڑے اسپتالوں کا انتخاب کرلیا تھا جہاں خون کے کینسر کے مریضوں کا مفت علاج کیاجائیگا۔
حکومت سندھ کی جانب سے خون کے کینسر کے علاج کیلیے حکومت سندھ نے سالانہ500 ملین روپے مختص کیے ہیں جو دونوں اسپتالوں کو مساوی جاری کیے جانے کا فیصلہ کیا گیا تھا۔
جن اسپتالوں میں خون کے کینسر کا مفت علاج کیاجائیگا اس میں نیشنل انسٹیٹوٹ آف بلڈ ڈیزیز اورڈاؤانٹرنیشنل اسپتال شامل ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News