پشتون تحفظ موومنٹ کے رہنما محسن داوڑ گرفتار
پشتون تحفظ موومنٹ ( پی ٹی ایم )کے رہنما و رکن قومی اسمبلی محسن داوڑ کو کئی ساتھیوں سمیت گرفتار کرلیا گیا۔
تفصیلات کے مطابق اسلام آباد میں پشتون تحفظ موومنٹ (پی ٹی ایم) کے سربراہ منظور پشتین کی گرفتاری کے خلاف احتجاج کرنے والے رہنماؤں اور رکن قومی اسمبلی محسن داوڑ کو پولیس نے گرفتار کر لیا۔
پولیس نے گرفتار افراد کو تھانا کوہسار منتقل کردیا ہے۔ کوہسار تھانے کے ترجمان نے پی ٹی ایم کے رہنماؤں اور ایم این اے کو تحویل میں لینے کی تصدیق کی ہے تاہم گرفتاری کی وجہ نہیں بتائی گئی۔
یاد رہے محسن داوڑ پی ٹی ایم کے ٹکٹ پر شمالی وزیرستان کے حلقہ این اے 48 سے رکن قومی اسمبلی ہیں۔
گذشتہ روز پی ٹی ایم رہنما منظور پشتین کی گرفتاری کے خلاف ان کی جماعت کی جانب سے ملک بھر میں اور بیرونِ ملک احتجاج کا اعلان کیا گیا تھا۔
واضح رہے کہ 2 روز قبل پشاور پولیس نے پی ٹی ایم کے سربراہ منظور پشتین کو صوبہ خیبر پختونخوا کے دارالحکومت پشاور میں تہکال کے علاقے سے گرفتار کیا تھا۔
پشاور کی عدالت نے پشتون تحفظ موومنٹ کے رہنما منظور پشتین کی عارضی ضمانت کی درخواست خارج کرتے ہوئے انہیں ڈیرہ اسماعیل خان کی عدالت میں پیش ہونے کا حکم دیا تھا۔
اس سے قبل منظور پشتین کو پشاور کی عدالت نے 14 دن کے ریمانڈ پر پشاور جیل بھیج دیا تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News