فیاض الحسن چوہان نے کہا ہے کہ پہلے بھی کہاتھا کہ عثمان بزدار ہی وزیر اعلیٰ رہیں گے۔
تفصیلات کے مطابق لاہور میں پریس کانفرنس کرتے ہوئے وزیر اطلاعات فیاض الحسن چوہا ن کا کہنا ہے کہ وزیر اعظم عمران خان نے واضح کردیا ہے کہ عثمان بزدار ہی وزیر اعلیٰ پنجاب رہیں گے، اپوزیشن کے پاس افواہوں کے سوا کچھ نہیں ہے۔
فیاض الحسن چوہا ن نے کہا کہ پی ٹی آئی کی حکومت نے پاکستان کو دیوالیہ ہونے سے بچایا سال 2020ء نوکریاں دینے، معیشت کو مستحکم کرنے اور عوام کو فائدے پہنچانے کا سال ہے۔
اپوزیشن نے فیاض چوہان کو حریم شاہ کی یاد دلا دی
وزیر اطلاعات کا مزید کہنا ہے کہ ن لیگ کے 50 ممبر رابطے میں ہیں جب چاہیں ن لیگ کا فارورڈ بلاک بن سکتا ہے لیکن ایسا کرنا ہمارا منشور نہیں ہے۔
پریس کانفرنس کرتے ہوئے انھوں نے کہا کہ وزیراعظم نے تمام افواہوں کو ختم کر دیا، وزیراعظم نے کل لاہور میں مختلف اجلاس کیے، ٹرانسپیرنسی رپورٹ پر (ن) لیگ، پیپلزپارٹی نے اودھم مچایا۔
ٹرانسپیرنسی انٹرنیشنل نے کہا پرانے ڈیٹا پر رپورٹ مرتب کی، ن لیگ، پیپلز پارٹی سے کہوں گا اب ڈوبنے کیلئے چلو بھر پانی ڈھونڈیں۔
فیاض الحسن چوہان کا کہنا تھا کہ ڈیڑھ سال میں ریلوے، پی آئی اے، پاکستان پوسٹ کا ریونیوبڑھا، عالمی اداروں نے کہا کہ پاکستان میں دہشتگردی ختم ہوئی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News