آئی جی سندھ کلیم امام نے اپنے تبادلے کی تردید کرتے ہوئے کہا ہے کہ میرے خلاف بڑی سازش ہوئی ہے۔
تفصیلات کے مطابق کراچی میں منعقدہ ایک تقریب سے خطاب کرتے ہوئےآئی جی سندھ کلیم امام نےکہا کہ میرا تبادلہ اتنی آسانی سے ہونے والا نہیں ہے، میرےخلاف سازش ہوئی ہے، جب جاؤں گا تو اپنے مقدر سے جاؤں گا۔
آئی جی سندھ کے لئے مشتاق مہر کے نام پر اتفاق
آئی جی سندھ نے کہا کہ اس تقریب کو ہی میری الوداعی تقریب میں تبدیل کیا جا رہا ہے، لگتا ہے سندھ پولیس اپنا بجٹ بچا رہی ہے،ابھی میرا ٹرانسفر نہیں ہو رہا، تبادلہ ہوا بھی تو سوا لاکھ کا ہی رہوگا۔
انہوں نے کہا کہ ہم رولز اور ریگولیشن کے تحت کام کرتے ہیں، حلف کے تحت چلنا پڑتا ہے، راستے میں دشواری آتی ہے لیکن آپ نے گھبرانا نہیں ۔
آئی جی سندھ نے پولیس کو خراج تحسین پیش کرتے ہوئے کہا کہ یہاں بیٹھا ہر افسر غازی ہے، پولیس ایک رول کےتحت کام کرتی ہے جس میں مشکلات آتی ہیں۔
واضح رہے کہ آئی جی سندھ کلیم امام کیساتھ اختلافات کے بعد سندھ حکومت نے انہیں وفاق میں واپس بلانے کی درخواست کی تھی جسے وزیراعظم عمران خان نے قبول کرنے کا عندیہ دے دیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News