جہانگیرترین کی قیادت میں حکومتی وفداتحادی جماعت ایم کیوایم پاکستان کومنانے کے لئےبہادرآباد پہنچ گیا۔
تفصیلات کےمطابق حکومت کی جانب سے خالد مقبول صدیقی کا استعفیٰ ابھی تک قبول نہیں ہوا اورانہیں منانے کی کوشش کی جارہی ہیں۔ وزیراعظم نے اتحادی جماعتوں کو منانے کے لئے کمیٹی تشکیل دی تھی جو متحرک ہے۔
حکومت کی جانب سے قائم کردہ کمیٹی کی سب اتحادی جماعتوں سے ملاقاتیں ہوچکی ہیں۔ حکومتی کمیٹی سے ق لیگ نے بھی اپنے تحفظات سے آگاہ کیاہے جبکہ جی ڈی اے اور مینگل پارٹی نے بھی خدشات ظاہر کئے، جن کو یقین دہانیاں کروائی گئیں کہ ان کے مطالبات پورے ہوں گے۔
حکومتی کمیٹی ایم کیو ایم پاکستان کو منانے بہادرآباد پہنچ گئی جہاں خالد مقبول صدیقی سے استعفیٰ واپس لینے کا کہا جائے گا۔
یاد رہے کہ دو روز قبل ایم کیو ایم کو منانے وفاقی وزیراسد عمر وفد کے ہمراہ ایم کیو ایم پاکستان کے بہادرآبادمرکز پہنچے جہاں ایم کیو ایم پاکستان کے کنوینر خالد مقبول صدیقی نے ان سے ملاقات کی۔ اس موقع پرحکوتی وفد کے سامنے خوب گلے شکوے کئے گئےاور شکایتوں کے انبار لگا دیئےگئے۔
اسد عمرکی جانب سے خالد مقبول صدیقی کومنانے کی بھرپورکوشش کی گئی لیکن وہ نہ مانے اور اپنے استعفیٰ پر قائم رہے۔
خالد مقبول صدیقی کااسدعمر سےکہناتھا کہ جب مطالبات پورے ہوں گے پھر دیکھیں گے۔ ابھی تک استعفیٰ ہی رہے گا، وزارت واپس نہیں لوں گا۔
خیال رہے کہ ایم کیوایم پاکستان کے کنوینرخالد مقبول صدیقی نے کراچی میں پریس کانفرنس کرتے ہوئے وفاقی وزارت چھوڑنے کا اعلان کیا تھا۔
گزشتہ روزوزیراعظم عمران خان نے وفاقی کابینہ اجلاس میں کہا کہ ایم کیوایم پاکستان کے تحفظات درست ہیں ،ان کے جائز تحفظات دورکیےجائیں گے۔وزیراعظم کاکہناتھا کہ حکومت تمام اتحادیوں کو ساتھ لے کر چلنا چاہتی ہے۔
انہوں نے کہا کہ گزشتہ روزخالدمقبول صدیقی سےرابطہ کیااور کے تحفظات تفصیل سے سنے۔
وزیراعطم عمران خان نے کہاکہ خالد مقبول صدیقی کا کوئی مطالبہ غلط نہیں لگا،کراچی کی پوری اونر شپ لیں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News