وزیر اعلیٰ سندھ کا کچرے سے بجلی بنانے کا منصوبہ
وزیر اعلیٰ سندھ مراد علی شاہ کا کہنا ہے کہ وہ کراچی میں کچرے سے بجلی بنانے کا منصوبہ شروع کرنا چاہتے ہیں۔
تفصیلات کے مطابق وزیر اعلیٰ سندھ سید مراد علی شاہ سے ورلڈ بینک کے سینئر ممبر مسٹر جان روم کی وزیراعلیٰ ہاؤس میں ملاقات ہوئی۔
ملاقات میں شہروں میں پینے کے صاف پانی کے منصوبوں پر تبادلہ خیال کیا گیاجبکہ ڈیسالی نیشن پلانٹ اور پانی کے مختلف وسائل سے کراچی کو پانی پہنچنے کے مؤثر نظام پر بھی بات چیت کی گئی۔
اس کے علاوہ دیہی علاقوں میں زرعی پانی کے صحیح استعمال پر بھی بات چیت کی گئی نیز زرعی پانی کے تحفظ کے لیے منصوبے شروع کرنے پر بھی اتفاق کیا گیا۔
اس موقع پر مراد علی شاہ کا کہنا تھا کہ ہم شہری علاقوں میں صنعتی ترقی کے لیے بہت کام کررہے ہیں جبکہ دیہی علاقوں میں زراعت کی ترقی بھی حکومت کی ترجیحات میں شامل ہے۔
حکومت کا عوام کو سستی بجلی فراہم کرنے کا منصوبہ
انہوں نے کہا 550پروکیورمنٹ تربیت یافتہ افسران سندھ حکومت میں موجود ہیں جو سب کے سب ورلڈ بینک کے تعاون سے تربیت یافتہ افسران ہیں۔
وزیراعلیٰ سندھ کا کہنا تھا ہم کراچی میں کچرے سے بجلی بنانے کا منصوبہ شروع کرنا چاہتے ہیں جبکہ نیبرہوڈ منصوبہ کے تحت شہر کے پرانے علاقوں کی تزئین و آرائش بھی کی جارہی ہے۔
ملاقات میں چیئرمین پی اینڈ ڈی محمد وسیم، وزیراعلیٰ سندھ کے پرنسپل سیکریٹری ساجد جمال ابڑو اور سیکریٹری خزانہ حسن نقوی بھی شریک تھے۔
واضح رہے کہ آج صبح وفاقی حکومت نے بھی مہنگائی کے ستائے شہریوں کو سستی بجلی فراہم کرنے کا منصوبہ بنانے کا اعلان کیا تھا ۔
وفاقی وزیر توانائی عمر ایوب نے سینیٹ اجلاس میں بتایا تھا کہ حکومت نے صارفین کو سستی بجلی فراہم کرنے کے لئے قابل تجدید توانائی کا حصہ بڑھانے پرتوجہ مرکوز کر رکھی ہے۔
وفاقی وزیر نے ایوان کو بتایا تھا کہ حکومت قابل تجدید توانائی کے منصوبے متعارف کرا کر بجلی کی قیمت چار روپے35 پیسے فی یونٹ پر لانے کی کوشش کررہی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News