وزیر اعظم عمران خان کی وزیر اعلیٰ پنجاب سے ملاقات
وزیر اعظم عمران خان ایک روزہ دورے پر لاہور پہنچے، جہاں ان کی وزیر اعلیٰ پنجاب سردار عثمان بزدار سے ملاقات ہوئی۔
ملاقات کے دوران صوبہ پنجاب کی مجموعی صورتحال، عوام الناس کو سہولیات کی فراہمی اور ترقیاتی امور کے حوالے سے تبادلہ خیال کیا گیا جبکہ وزیر اعلی پنجاب نے وزیراعظم عمران خان کو آٹے گندم اور چینی بحران پر بریفنگ بھی دی۔
اس موقع پر وزیر اعلی پنجاب نے عمران خان کو بریفنگ دیتے ہوئے کہا کہ پنجاب میں آٹے اور گندم کا کوئی بحران نہیں مصنوعی قلت پیدا کرنے والوں کے خلاف کارروائی عمل میں لائی گئی۔
وزیر اعلی پنجاب سردار عثمان بزدار نے مزید کہا کہ مصنوعی مہنگائی پیدا کرنے والوں کے خلاف پرائس کنٹرول کمیٹیوں نے فعال کردار اداکیاہے جبکہ فلور ملوں اور مہنگے داموں فروخت کرنے والی چکیوں کو جرمانے عائد کئے جبکہ ان کا لائسنس بھی معطل کردیا گیا ہے۔
دوسری جانب وزیر اعظم عمران خان سے ایم پی ایز سے ملاقات ہوئی ، جس میں وزیر اعلی پنجاب سردار عثمان بزدار سمیت 20 ناراض اراکین کا گروپ شریک ہوا ۔
اس موقع پر وزیر اعظم کو اراکین اسمبلی نے انکے حلقوں کے مسائل اور ترقیاتی منصوبوں کے متعلق بریفننگ دی جبکہ وزیر اعلی پنجاب سردار عثمان بزدار نے ناراض اراکین اسمبلی کے تحفظات سے وزیر اعظم عمران خان کو آگاہ کیا۔
ہمارے منشور کا بنیادی عنصر کرپشن کا خاتمہ ہے ، وزیراعظم
وزیر اعلی پنجاب سردار عثمان بزدار نے گذشتہ روز ناراض اراکین اسمبلی کے ساتھ ہونے والی ملاقات کی بریفنگ دی جبکہ وزیر اعظم عمران خان نے ناراض ارکان اسمبلی کے تحفظات دور کرنے اور جائز مطالبات کو پورا کرنے کی یقین دہانی۔
واضح رہے اس سے قبل بھی یراعظم عمران خان کی پنجاب سے منتخب تحریک انصاف کے قومی اسمبلی کے ارکان سے ملاقات ہوئی تھی ۔
ملاقات میں صوبے میں ڈویژن کی سطح پر سالانہ ترقیاتی پروگرام کے حوالے سے منتخب نمائندگان اور صوبائ حکومت کے درمیان مشاورت کے حوالے سے گفتگو کی گئی تھی جبکہ اراکین نے اپنے متعلقہ حلقوں میں عوام کو درپیش سماجی و ترقیاتی مسائل کے حل میں درپیش مشکلات سے آگاہ کیا تھا ۔
وزیراعظم نے کہا تھا کہ آپ لوگوں سے آج ملاقات کا مقصد آپ کے متعلقہ حلقوں میں عوام الناس کو درپیش مسائل اور ترقیاتی منصوبوں کی تکمیل کے حوالے سے مشکلات کا ادراک اور ان کے فوری حل کے لے ہدایات جاری کرنا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News