گزشتہ چو بیس گھنٹوں کے دوران ملک کے بیشترعلاقوں میں موسم خشک اور سرد رہا تاہم اسکردو میں میں 01 ملی میٹر بارش ریکارڈ کی گئی۔
محکمہ موسمیات کے مطابق سب سے زیادہ سردی کالام میں پڑی جہاں کا درجہ حرارت منفی14 ڈگری سینٹی گریڈ ریکارڈ کیا گیا۔
گلگت بلتستان، برفانی تودوں تلے دب کر 7 افراد جاں بحق ہو گئے ہیں۔
تفصیلات کے مطابق گلگت بلتستان میں حالیہ تین روز کی برف باری کے دوران برفانی تودوں تلے دب کر جاںحق ہونے والے افراد کی تعداد سات ہو گئی ہے۔
ذرائع کے مطابق صوبے بھر میں برفانی تودے گرنے کے مختلف واقعات ہوئے ہیں،جبکہ برفانی تودوں تلے دب کر ایک خاتون اور ایک بچے سمیت 4 افراد زخمی بھی ہوئے ہیں۔
شدید برف باری،آزاد کشمیر کی اہم شا ہرائیں بند
شدید برف باری کی وجہ سے آزاد کشمیر کی اہم شاہراہیں اور رابطہ سڑکیں تین دن سے بند ہیں۔
وزیر اعظم آزاد کشمیر پہنچ گئے
اسٹیٹ ڈیزاسٹر مینجمنٹ اتھارٹی کے مطابق شارع نیلم دیواریاں کے مقام پر ضلع باغ میں چکار سے ملانے والی سڑک سدھن گلی کے مقام پربند ہے، مظفرآباد کو وادی لیپا سے ملانے والی سڑک ریشیاں کے مقام پر بند ہے ۔
اس کے ساتھ ساتھ باغ حویلی سڑک لسڈنہ کے مقام پر عباس پور باغ روڈ محمود گلی کے مقام پر اور ضلع حویلی کو حاجی پیر سے ملانے والی سڑک علی آباد کے مقام پر بند ہے۔
ذرائع کے مطابق مری ،ایبٹ آباد مرکزی شاہراہ سمیت تمام رابطہ سڑکیں مکمل طورپر بند پڑی ہیں اور شہری گھروں میں محصور ہو کر رہ گئے ہیں۔
گلیات کا مواصلاتی رابطہ بھی منقطع ہے اور کوئی پرسان حال نہیں ہے۔
متاثرین نے وزیراعظم عمران خان، وزیراعلیٰ خیبرپختونخوا محمود خان سے مطالبہ کیا ہے کہ وہ فوری طور پر صورتحال کا نوٹس لیں اور ہنگامی بنیادوں پر عوام کو ریلیف فراہم کرنے کے احکامات جاری کریں۔
ملک کے بیشترعلاقوں میں موسم سرد
ملک کے بیشترعلاقوں میں موسم سرد اور خشک ہے جبکہ بالائی علاقوں، شمالی بلوچستان کے اضلاع شدید سرد رہے گے۔
ذرائع کے مطابق آزاد کشمیر، گلگت بلتستان کے اضلاع میں مطلع ابر آلود رہنے کے ساتھ بلتستان میں چند مقامات پربارش اور پہاڑوں پر برفباری کی توقع ہے ۔
پنجاب اور سندھ کے میدانی علاقوں میں رات اور صبح کے وقت دھند پڑنے کا امکان ہے۔
اسلام آباد میں موسم سرد اور خشک جبکہ مطلع جزوی ابر آلود رہے گا۔
صبح کے وقت شہر کا درجہ حرارت 8 ڈگری سینٹی گریڈ ریکارڈ کیا گیا جو زیادہ سے زیادہ 16 تک جا سکتا ہے۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News