چیئرمین سینٹ صادق سنجرانی کی بحرین کے ولی عہد سلمان بن حماد بن عیسیٰ سے ملاقات ہوئی ہے۔
سینیٹ کے چیئرمین محمد صادق سنجرانی نے پاکستان اور بحرین کے درمیان مختلف شعبوں میں دوطرفہ تعاون کو مزید وسعت دینے پر زور دیا ہے۔
انہوں نے یہ بات منامہ میں سینیٹروں کے ایک وفد کی سربراہی کرتے ہوئے بحرین کے ولی عہد سلمان بن حمادبن عیسیٰ الخلیفہ سے ملاقات میں کہی۔
صادق سنجرانی نے کہا کہ پاکستان بحرین کے ساتھ اپنے تعلقات کو انتہائی اہمیت دیتا ہے اور دونوں ملکوں کے درمیان مختلف شعبوں میں دوطرفہ تعاون کو مزید توسیع دینے کے وسیع تر مواقع ہیں۔
چیئرمین سینیٹ نے وفد کے ہمراہ بحرین کی کونسل آف ریپریزینٹیٹو نائب وزیراعظم شیخ محمدبن مبارک الخلیفہ اوربحرین کی نیشنل گارڈ کے صدر لیفٹیننٹ جنرل شیخ محمدبن عیسیٰ الخلیفہ سے بھی ملاقاتیں کیں۔
ان ملاقاتوں میں چیئرمین سینیٹ نے تجارتی اوراقتصادی سطح پرتعاون کے نئے مواقع کی تلاش کرنے کی ضرورت پربھی زوردیا۔انہوں نے کہاکہ پاکستان میں سرمایہ کاری کے پرکشش مواقع ہیں اورحکومت سرمایہ کاروں کو سازگار ماحول کی فراہمی کے تمام ممکنہ اقدامات کررہی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News