ترک صدر رجب طیب اردوان نے پاکستان کے ساتھ تجارتی حجم 1 ارب ڈالر تک بڑھانے کا اعلان کیا ہے۔
پاکستان اور ترکی نے باہمی مفاد کے لئے بہترین سیاسی تعلقات کی سطح پر تجارتی تعلقات بڑھانے کے عزم کا اظہار کیا ہے۔
جمعہ کے روز اسلام آباد میں پاک ترکی بزنس فورم سے خطاب کرتے ہوئے ترک صدر رجب طیب اردوان نے کہا کہ موجودہ دوطرفہ تجارتی حجم کو 80 کروڑ ڈالر تک بڑھانے کے وسیع امکانات موجود ہیں۔
انہوں نے پاک ترکی باہمی تجارتی حجم کو پہلے مرحلے میں ایک ارب ڈالر تک لے جانے اور بعد میں پانچ ارب ڈالر تک بڑھانے کا عزم ظاہر کیا۔انہوں نے کہا کہ ہم دونوں برادر ملکوں کے درمیان تجارتی تعلقات کو سیاسی تعلقات کی سطح پر لے جانے کے خواہشمند ہیں۔
ترکی اور پاکستان کے مابین تعلقات مثالی نوعیت کے ہیں، شاہ محمود
انہوں نے بتایا کہ ترکی کو بھی مشکل معاشی حالات کا سامنا تھا، ترکی پر قرضہ 72 فیصد تھا جسے ہم کم کر کے 32 فیصد پر لائے، عزم و ہمت سے اپنی مشکلات پر قابو پایا۔
رجب طیب اردوان نے کہا کہ دونوں ملک باہمی مفاد کیلئے مختلف صنعتوں میں اشتراک عمل کر سکتے ہیں۔انہوں نے کہا کہ ہمیں اپنے درمیان تجارتی دیواریں حائل نہیں ہونے دینی چاہئیں۔
فورم سے خطاب کرتے ہوئے وزیراعظم عمران خان نے ترکی کی کاروباری برادری کو پاکستان کے مختلف شعبوں بالخصوص سیاحت، کان کنی اور زراعت میں سرمایہ کاری کرنے کی دعوت دی۔
انہوں نے کہا کہ پاکستان میں ساحل سمندر اور تاریخی مقامات سمیت سیاحت کے شعبے میں بے پناہ وسائل موجود ہیں جن سے اب تک استفادہ نہیں کیا گیا۔
وزیراعظم نے کہا کہ پاکستان سیاحت کے فروغ کے لئے ضروری بنیادی ڈھانچہ کی تعمیر میں ترکی کے تجربے سے بڑا استفادہ کر سکتا ہے۔
انہوں نے کہا کہ پاکستان زراعت اور کان کنی کے شعبوں میں ترکی کے تجربات سے سیکھنے کا خواہشمند ہے۔ وزیراعظم نے پاکستانی کمپنیوں کے ساتھ مشترکہ منصوبوں سمیت دیگر منصوبوں میں ترک تاجربرادری کو بھرپور تعاون فراہم کرنے کا یقین دلایا۔
عمران خان نے اس اعتماد کا اظہار کیا کہ دونوں ملکوں کی کاروباری برادریاں دونوں ملکوں کے درمیان پائے جانے والے بہترین سیاسی تعلقات سے استفادہ کریں گی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News