بالی ووڈ اداکار اور بھارتی سیاست دان شتروگن سنہا نے لاہور کے اچانک دورے میں معروف بزنس مین میاں اسد احسان کے بیٹے کی دعوت ولیمہ میں شرکت کی۔

تقریب میں موجود مہمانوں نے بھارتی اداکار کے ساتھ سیلفیاں بنائیں۔ شتروگن سنہا نے دلہا اور دلہن کے ہمراہ اسٹیج پر تصاویر بنوائیں۔

پاکستان کے دورے کے حوالے سے شتروگن سنہا کا کہنا ہے کہ میاں اسد احسان سے میری گہری دوستی ہے، اُن کے بیٹے کی شادی میں شرکت کرکے دلی خوشی محسوس کررہا ہوں۔

انہوں نے یہ بھی کہا کہ پاکستان آکر ہمیشہ اچھا لگتا ہے، لوگوں کی خوش اسلوبی اور اُن کا پیار ہمیشہ یاد رہے گا۔

دوسری  جانب  صدارتی ترجمان کی جانب سے جاری ہونے والے اعلامیے کے مطابق بھارتی سیاست دان شترگھن سنہا نے لاہور میں صدر مملکت ڈاکٹر عارف علوی سے ملاقات کی۔

Indian politician Shatrughan Sinha met President Dr. Arif Alvi in Lahore today. They discussed the importance of building peace bridges across the border. Mr. @ShatruganSinha endorsed concern of the President about the lockdown of occupied Kashmir for more than 200 days. pic.twitter.com/3eiYsqRu4m

— The President of Pakistan (@PresOfPakistan) February 22, 2020

بالی ووڈ اداکار اور بھارتی سیاست دان نے کشمیر کے معاملے پر پاکستانی مؤقف کی تائید کرتے ہوئے لاک ڈاؤن کے خلاف آواز اٹھا دی۔

دوران ملاقات دو طرفہ امن قائم کرنے کے حوالے سے تبادلہ خیال کیا گیا، ڈاکٹر عارف علوی نے بھارتی سیاست دان کو کشمیر میں جاری بھارتی مظالم اور لاک ڈاؤن کے حوالے سے بھی آگاہ کیا۔

واضح رہے کہ گزشتہ روز اداکار شتروگن سنہا کی ایک ویڈیو سامنے آئی تھی جس میں پاکستانی اداکارہ بھی اُن کے ہمراہ نظر آرہی تھیں

شتروگن سنہا نے کشمیر میں گزشتہ 200 روز سے جاری لاک ڈاؤن پر پاکستان کے تحفظات اور مؤقف کی تائید کی۔

یاد رہے کہ چند روز قبل بھارتی اداکار کی انٹرنیٹ پر پاکستانی اداکارہ ریما کے ساتھ ایک تصویر وائرل ہوئی تھی۔ جس کے بعد یہ خبر سامنے آئی تھی کہ شتروگن سنہا شادی میں شرکت کرنے کے لیے پاکستان آئے ہیں۔

ایک روز قبل میڈیا سے گفتگو کرتے ہوئے شتروگن سنہا کا کہنا تھا کہ ’پاکستان کے لوگ بہت محبت کرنے والے ہیں، یہاں آکر ہمیشہ اچھا محسوس ہوتا ہے‘۔