پاکستان کی خوبصورتی کو اجاگر کرنے اور ملک میں سیاحت کو فروغ دینے کیلئے ہیلی سکی کا انعقاد کیا گیا، آئی ایس پی آر اور افینیٹی کے مشترکہ تعاون سے وادی شوگران اور ناران میں 16 سے 22 فروری کے دوران ہیلی سکی ایونٹ کامیابی سے منعقد کیا گیا۔
آئی ایس پی آر کے مطابق ایونٹ کا مقصد ملکی سیاحت کا فروغ اور وطن کی خوبصورتی کا اجاگر کرنا تھا، مقابلوں میں دنیا بھر سے 60 سے زائد غیر ملکی سکئیرز نے حصہ لیا۔
غیر ملکی مہمانوں کی بہت بڑی تعداد بھی ہیلی سکی سے محظوظ ہونے کیلئے وادی پہنچی، جن میں امریکہ، برطانیہ، سوئٹزرلینڈ، سپین، جرمنی، فرانس، آسٹریلیا اور اٹلی کے شائقین شامل تھے۔
ان شرکاء میں سابق آسٹریلوی وزیر خارجہ جولی عزابیل بشپ، سابق سپینیش وزیراعظم جوز ماریہ الفریڈو، سابق اٹالین وزیراعظم میٹئو رنزی اور انگلش کرکٹر ڈیوڈ گاور نمایاں تھے۔
آئی ایس پی آر کے مطابق سکائنگ کیلئے آنے والی گروپ کی آرمی چیف جنرل قمر جاوید باجوہ سے بھی ملاقات ہوئی جبکہ شرکاء نے آئی ایس پی آر ہیڈ کوراٹرز کا بھی دورہ کیا، جہاں ڈی جی آئی ایس پی آر میجر جنرل بابر افتخار نے شرکاء کو پاکستان میں انسداد دہشت گردی کے کامیاب آپریشنز کے بعد کھیلوں اور سیاحت کے حوالے سے اقدامات بارے آگاہ کیا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News