امریکی حکومت نےسیاحت  کے لیے پاکستان کو محفوظ قرار دیدیا ہے۔

تفصیلات کے مطابق پاکستان کی جانب سے امریکی ٹریول ایڈوائزی میں تبدیلی کا خیر مقدم کیا گیا اور امریکی ٹریول ایڈوائزی میں پاکستان میں سیکیورٹی کی صورتحال میں بہتری کو تسلیم کیا گیا ہے۔

  دفتر خارجہ کے مطابق پاکستان نے ملک بھر میں سلامتی کی صورتحال میں بہتری کے حوالے سے انتھک اقدامات کیے ہیں۔

  صورتحال میں واضح بہتری کے باعث اقوام متحدہ نے اسلام آباد کو دوبارہ اپنے عملے کے لیے فیملی اسٹیشن قرار دیا ہے۔

 دفتر خارجہ نے بتایا کہ پاکستانی اقدامات کو تسلیم کرتے ہوئے حال ہی میں برطانیہ نے بھی پاکستان کے حوالے سے اپنے سفری ہدایت نامے میں تبدیلی کی ہے۔

گزشتہ روز قبل برطانیہ  حکومت نے پاکستان کو سیاحتی مقامات سےلطف اندوز ہو نے کے لیے محفوظ  قرار دیدیا ہے۔

UK travel advice change: pleased that 🇬🇧 nationals will be able to see more of what 🇵🇰 has to offer pic.twitter.com/BvNYE6erX1

— Christian Turner (@CTurnerFCDO) January 24, 2020

برطانوی ہائی کمشنر کا کہنا تھا کہ میں نے دسمبر 2019 میں پاکستان میں اپنی ذمہ داریاں سنبھالنے کے بعد سفری ہدایات کے تجزیے کو ترجیحی بنیادوں پر رکھا، مجھے خوشی ہے کہ برطانوی شہری اب پاکستان میں خوبصورت سیاحتی مقامات سے زیادہ لطف اندوز ہوسکیں گے۔

یاد رہے کہ پاکستان میں امن و امان کی صورتحال میں بہتری کے باعث برطانوی حکومت نے اپنے شہریوں کے لیے سفری ہدایات میں ترامیم پاکستان کی امن و امان کی صورتحال کے وسیع پیمانے پر کیے جانے والے تجزیے کے بعد جاری کی ہے۔

شہزادہ ولیم اور شہزادی کیٹ مڈلٹن لاہور پہنچ گئے

برطانوی سفری ہدایات کی ترامیم میں دیگر ہدایات کے علاوہ اب برطانوی شہریوں کو پاکستان کے شمالی علاقہ جات بشمول کیلاش اور بموریت جیسی دلفریب وادیوں کے بذریعہ سڑک سفر کو بھی محفوظ قرار دیا گیا ہے۔

واضح رہے کہ  2015 کے بعد سفری ہدایات میں واضح طور پر کی جانے والی یہ پہلی ترامیم ہیں۔

اس  سے قبل پاکستان میں امن و امان کی بہتر صورتحال کے باعث جون 2019 میں برٹش ایئرویز نے پاکستان کے لیے اپنی پروازوں کا دوبارہ سے آغاز بھی کر دیا تھا۔

دوسری جانب   برطانوی شاہی جو ڑا شہزادہ ولیم اور شہزادی کیٹ مڈلٹن نے پاکستان کا دورہ کیا تھا۔