چینی کی قیمتوں میں اضافے کے معاملے پر وزیراعظم عمران خان نے تحقیقاتی کمیٹی قائم کردی ہے۔
تفصیلات کے مطابق وزیراعظم عمران خان کی جانب سے چینی کی بڑھتی قیمتوں پر تحقیقاتی کمیٹی کے کنوینئر ڈی جی ایف آئی اے ہوں گے جبکہ آئی بی کا نمائندہ اور ڈی جی اینٹی کرپشن پنجاب بھی کمیٹی میں شامل ہوں گے۔
وزیرِاعظم آفس کی جانب سے انکوائری کمیٹی کو ایک درجن سے زائد سوالات بھجوادیے گئے ہیں۔
مراسلے میں سوال کیا گیا ہے کہ کیا اس سال چینی کی پیداوار پچھلے سال کے مقابلے میں کم تھی؟ اور کیا کم پیداوار چینی کی قیمتوں میں اضافے کا باعث بنی؟
کمیٹی کو کہا گیا کہ ہے وہ اس بات کا جائزہ لے کہ چینی کی قیمتوں کو قابو میں رکھنے کے لیے مقامی انتظامیہ اور حکومتی اداروں نے کیا حفاظتی اور پیشگی اقدامات کیے۔
Advertisement
انکوائری کمیٹی حقائق کے تناظر میں ذمہ دار اداروں یا افسران کا تعین کرے گی اور اس بات کا جائزہ لے گی کہ قیمتوں میں اضافہ کسی کو فائدہ پہنچانے کی کوشش تو نہیں،کمیٹی مستقبل کے حوالے سے سفارشات بھی پیش کرے گی۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
