وزیر اعظم عمران خان نے ملک میں جاری آٹا بحران پر اپنا بیان دیتے ہوئے کہا ہے کہ میں از خود یہ تسلیم کرتا ہوں کہ ملک میں جاری آٹا، چینی اور سیگر بحرانات کے ذمیدار موجودہ حکومت ہے۔
وزیراعظم عمران خان نے کہا ہے کہ میں مانتا ہوں کہ آٹا اور چینی ہماری کوتاہی سے مہنگے ہوئے، اس معاملے کی تحقیقات ہورہی ہیں۔
تقسیم صحت انصاف کارڈ کی تقریب سے خطاب میں عمران خان نے کہا کہ آٹا اور چینی مہنگے ہونے کی تحقیقات ہو رہی ہیں کہ کس نے فائدہ اٹھایا، میرا وعدہ ہے چیزیں مہنگی کرکے پیسے بنانے والوں کو نہیں چھوڑیں گے۔
انہوں نے کہا کہ حکومت کے خلاف باقاعدہ منصوبہ بندی کے تحت مہم چلائی جارہی ہے۔
لاہور: ڈولفن اہلکار گلے پر پتنگ کی ڈور پھرنے سے جان کی بازی ہار گیا
عمران خان نے مزید کہا کہ ٹی وی چینلز کے لوگ مائیک پکڑ کر پہنچ جاتے ہیں، غریب سے پوچھتے ہیں مہنگائی ہے؟ وہ کہتا ہے ہاں مہنگائی ہے، پھر پوچھتے ہیں کہاں گیا نیا پاکستان؟
ان کا کہنا تھا کہ میں نے یہ کبھی نہیں کہا کہ ہم پاکستان کو ایشین ٹائیگر بنائیں گے، میں نے ہمیشہ کہا ہے کہ ہم پاکستان کو مدینے کی ریاست کی طرح بنائیں گے۔
عمران خان نے کہا کہ غریب آدمی کے لیے سب سے مشکل کام علاج ہوتا ہے، سرکاری اسپتالوں میں احتساب کا نظام نہیں ہے، اصلاحات کے بعد سرکاری اسپتالوں کی مینجمنٹ پرائیوٹ اسپتالوں کی طرح ہوگی۔
انہوں نے یہ بھی کہا کہ جب آپ اللّٰہ کی مخلوق کی خدمت کرتے ہیں تو آپ کی زندگی بدل جاتی ہے، ہم نے سب سے پہلے کمزور طبقے کو اٹھانا ہے۔
اس سے قبل وزیراعظم عمران خان سے وزیراعلیٰ پنجاب سردار عثمان بزدار نے ملاقات کی جس میں وزیراعلیٰ نے پنجاب میں جاری ترقیاتی منصوبوں سے متعلق وزیراعظم کو بریفنگ دی۔
اس موقع پر وزیراعظم عمران خان نے وزیراعلیٰ پنجاب کو ذخیرہ اندوزوں اور ملاوٹ مافیا کے خلاف آپریشن تیز کرنے کی ہدایت کرتے ہوئے کہا کہ عام آدمی کو ریلیف دینے کے لیے یوٹیلیٹی اسٹورز پر 15 ارب کا پیکج دیا۔
وزیراعظم پاکستان نے کہا کہ آٹا بحران اور چینی کی سرکاری قیمتوں پر فراہمی کو یقینی بنایا جائے، انہوں نے اشیائے خورونوش کا مصنوعی بحران پیدا کرنے والوں سےسختی سے نمٹنے کی ہدایت کی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News