وزیراعظم کے معاون خصوصی صحت ڈاکٹر ظفر مرزا کا کہناہے کہ چین میں کرونا وائرس تیزی سے پھیل رہا ہے،گیارہ ہزار سےزائد افراد اس وائرس سے متاثرہوئے ہیں، اس وائرس سے279 افراد جاں بحق ہو گئے ہیں جبکہ یہ وائرس 27 ممالک تک پھیل گیا ہے۔
اسلام آباد میں نیوز کانفرس کرتے ہوئے معاون خصوصی صحت کا کہناتھا کہ کرونا وائرس کی اسکریننگ کیلئےآج شام تک ہمیں کٹس مل جائیں گی اورکل سے ممکنہ طور پر ٹیسٹ بھی شروع کر دیئے جائیں گے۔ کٹس ملنے کے بعد کورونا وائرس کی تصدیق کرسکیں گے۔
معاون خصوصی صحت ڈاکٹر ظفر مرزا نے کہا کہ چینی حکومت کورونا وائرس کے تدارک کےلئے موثر اقدامات کر رہی ہے ، چین کی حکومت کے اقدامات کی تائید کرتے ہیں۔
ڈاکٹر ظفر مرزانے کہا کہ ابھی تک 7سے8ملکوں نے اپنے شہریوں کو نکالا ہے ،چینی حکومت کا خیال ہے کہ شہریوں کو نکالنا درست اقدام نہیں ،اس وقت ووہان میں 120 ملکوں کے شہری رہ رہے ہیں۔
ظفر مرزا نے کہا کہ چینی حکومت پر ہمیں مکمل اعتماد ہے ان کے ساتھ کھڑے ہیں ،ہمارا چینی حکومت اور سفارت خانے سے مسلسل رابطہ ہے ،چینی حکومت کے تمام اقدامات کی تائید کرتے ہیں،دونوں ممالک نے پاکستانیوں کے تحفظ کو اولین ترجیح قراردیا ہے۔
معاون خصوصی نے کہا کہ ہم پاکستانیوں کےلئے وہ سب کچھ کر رہے ہیں جو کئے جانا چاہئے، چین کی جانب سے ووہان میں پاکستانی طلباکی دیکھ بھال سےمتعلق مطمئن ہیں،چین میں پاکستانیوں کابہترخیال رکھاجارہا ہے،چین سےپاکستانیوں کونکالنےکااقدام پبلک ہیلتھ کیلئےٹھیک نہیں۔
انہوں نے کہا کہ وائرس کی تشخیص کیلئےمخصوص کٹس آج موصول ہوجائیں گی،کٹس ملنے کے بعد کورونا وائرس کی تصدیق کرسکیں گے،چین سے پروازوں کی بحالی کے بعد کا لائحہ عمل طے کرلیاجبکہ ٹکٹ اور ویزوں کی تاریخ سے متعلق بھی چین سے بات کرلی ہے،کسی پاکستانی کو ٹکٹ یا ویزےمیں دشواری پیش نہیں آئےگی۔
ڈاکٹر ظفرمرزاکے مطابق چینی حکومت کے اقدامات کی مکمل تائیدکرتےہیں،وزیرخارجہ شاہ محمودقریشی کی چینی ہم منصب سے تفصیلی بات ہوئی،پاکستان میں کورونا وائرس کاکوئی ایک کیس بھی سامنے نہیں آیا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News