فواد چوہدری نے شہبازشریف کوہٹا کرقومی اسمبلی میں نیا اپوزیشن لیڈرمنتخب کرنے کا مطالبہ کیا ہے۔

تفصیلات کے مطابق سماجی رابطے کی ویب سائٹ ٹوئٹر پر اپنے پیغام میں وفاقی وزیربرائے سائنس وٹیکنالوجی فواد چوہدری نے کہا کہ انہوں نے اسپیکرقومی اسمبلی اسد قیصرکو خط لکھا ہے جس میں کہا گیا ہے کہ اپوزیشن لیڈرطویل عرصے سے ایوان میں تشریف نہیں لارہے، قانون سازی میں اپوزیشن لیڈرکا اہم کردارہوتا ہے، ان کی غیرموجودگی اسمبلی قوانین کی خلاف ورزی ہے۔

ان حالات کے مد نظر یا تو شہباز شریف سے اسمبلی میں واپسی کی حتمی تاریخ پوچھی جائے اور یا پھر نئےاپوزیشن لیڈر منتخب کرنے کیلئے پراسسس کا آغاز کیا جائے، کیونکہ قائد حزب اختلاف کا عہدہ لمبا عصہ خالی نہیں رکھا جا سکتا۔ شہباز شریف نواز شریف کو واپس لانے کی گارنٹی دے کر خود ہی غائب ہیں

— Ch Fawad Hussain (@fawadchaudhry) February 21, 2020

فواد چوہدری نے کہا کہ پبلک اکاؤنٹس کمیٹی کا عہدہ وہ پہلے چھوڑچکے ہیں لیکن وہ خصوصی مراعات بھی لے رہے ہیں،ان حالات میں یا توشہبازشریف سے اسمبلی میں واپسی کی حتمی تاریخ پوچھی جائے یا پھرنیا اپوزیشن لیڈرمنتخب کرنے کا عمل شروع کیا جائے کیونکہ قائد حزب اختلاف کا عہدہ لمبے عرصے کے لئے خالی نہیں رکھا جا سکتا۔

ان کا مزید کہنا تہے کہ شہباز شریف نوازشریف کو واپس لانے کی گارنٹی دے کر خود ہی غائب ہیں۔