پاک فوج کے سپہ سالار جنرل قمر جاوید باجوہ کی زیر صدارت کور کمانڈر کانفرنس میں اس عزم کا ارافہ کیا گیا ہے کہ پاک فوج کسی بھی جارحیت کا بھرپور جواب دینے کے لئے تیار ہے۔

ڈی جی آئی ایس پی آر میجر جنرل بابر افتخار کے مطابق آرمی چیف کی زیر صدارت جی ایچ کیو راولپنڈی میں 229ویں کور کمانڈرز کانفرنس منعقد ہوئی۔

کور کمانڈرز کانفرنس میں خطے میں سکیورٹی کی صورتحال اور قومی سلامتی کے امور پر تبادلہ خیال کیا گیا۔

Forum paid tribute to the ppl of IOJ&K braving Indian atrocities & cont siege. “Repression of Indian occupying forces can never deny Kashmiris their rt of self-determination as promised by UN resolutions. Regardless of the ordeal, their struggle is destined to succeed” COAS.(2/2) pic.twitter.com/Tof2iANg7x

Advertisement

— DG ISPR (@OfficialDGISPR) February 6, 2020

ڈی جی آئی ایس پی آر میجر جنرل بابر افتخار کے مطابق کانفرنس میں ملکی داخلی سکیورٹی اور بارڈر کی صورتحال پر خصوصی غور کیا گیا جبکہ کانفرنس کو شرکاء کو مستقل امن کیلئے کئے گئے آپریشن ردالفساد کے مثبت اثرات اور اب تک کی پیش رفت پر بھی تبادلہ خیال کیا گیا ہے۔

سابق ڈی جی آئی ایس پی آر کی گاڑی کوحادثہ

کانفرنس کے شرکاء نے بھارتی قیادت کے اشتعال انگیز بیانات کے حوالے سے قرار دیا کہ ان غیر ذمہ دارانہ بیانات کے خطے پر منفی اثرات مرتب ہوں گے، شرکاء نے اس عزم کا اعادہ کیا کہ پاکستان کی مسلح افواج امن اور آشتی کی خواہاں ہیں تاہم ساتھ ہی کسی بھی مہم جوئی اور جارحیت کا بھرپور جواب دینے کیلئے تیار ہیں چاہے اس کیلئے کوئی بھی قیمت چکانا پڑے۔

کور کمانڈرز کانفرنس سے اظہار خیال کرتے ہوئے آرمی چیف جنرل قمر جاوید باجوہ نے کہا کہ بھارتی ظلم و جبر کشمیریوں کے حق خودارادیت کو نہیں دبا سکتا ہے جبکہ کشمیریوں کی جدوجہد کامیاب ہو گی۔

آرمی چیف جنرل قمر جاوید باجوہ نے مزید کہا کہ کشمیری اقوام متحدہ کی قراردادوں کے مطابق حق خود ارادیت لے کر رہیں گے،آرمی چیف کا کہنا تھا کہ قابض بھارتی افواج کا ظلم و ستم کشمیریوں کو ان کا حق خود ارادیت لینے سے نہیں روک سکتیں ہیں۔