صحافی برادری کو فرائض سرانجام دینے کیلئے تحفظ فراہم کیا جائے گا، اعجاز شاہ

وریشہ مسعود - ویب ایڈیٹر - بول نیوز

19th February, 2020

وفاقی وزیر داخلہ اعجاز احمد شاہ نے کہا ہے کہ صحافی برادری کو فرائض سرانجام دینے کےلئے ہر ممکن تحفظ فراہم کیا جائے گا۔

اسپیکر قومی اسمبلی اسد قیصر سے منگل کو وفاقی وزیر داخلہ بریگیڈیئر (ر) اعجاز احمد شاہ نے پارلیمنٹ ہاﺅس میں ملاقات کی ۔

ملاقات میں صحافی عزیز میمن کے قتل کی تحقیقات سمیت ملک کی مجموعی صورتحال پر گفتگو کی گئی۔

 اس موقع پر ا سپیکر قومی اسمبلی اسد قیصر نے عزیز میمن کے قتل کی شدید الفاظ میں مذمت کی اور کہا کہ عزیز میمن کا بہیمانہ قتل آزادی صحافت پر کاری ضرب ہےجبکہ  عزیز میمن کے قتل کی فوری تحقیقات کی ہدایت کی۔

اسپیکر قومی اسمبلی نے  یہ بھی کہا کہ تحقیقاتی عمل میں غیر جانبداری اور شفافیت کو یقینی بنایا جائے۔

ا سپیکر قومی اسمبلی اسد قیصر  نے مزیدکہا کہ صحافیوں کو پیشہ وارانہ ذمہ داریوں کی ادائیگی میں حائل مشکلات کو حل کرنے کےلئے اقدامات اٹھائے جائیںِ اور عزیز میمن کے قاتلوں کو کیفر کردار تک پہنچانے میں کوئی کسر اٹھا نہ رکھی جائے۔

وفاقی وزیر داخلہ اعجاز احمد شاہ نے کہا کہ صحافی عزیز میمن کا قتل انتہائی شرمناک اور قابل مذمت فعل ہے، عزیز میمن کے قتل کی شفاف اور غیر جانبدارانہ تحقیقات کو یقینی بنایا جائے گا۔

 اعجاز احمد شاہ نے  یہ بھی کہا کہ عزیز میمن کے قتل میں ملوث عناصر کو کیفر کردار تک پہنچانے میں کوئی دقیقہ فروگذاشت نہیں کیا جائے گا۔

صحافی عبدالعزیز میمن کا قتل، 72 گھنٹوں میں رپورٹ طلب

وفاقی وزیر داخلہ اعجاز احمد شاہ نے  مزید کہا کہ موجودہ حکومت آزادی صحافت پر یقین رکھتی ہے، صحافی برادری کو فرائض سرانجام دینے کےلئے ہر ممکن تحفظ فراہم کیا جائے گا۔

یاد رہے کہ صحافی عزیز میمن کی لاش گزشتہ روز محراب پور میں نہر سے ملی تھی جبکہ ان کی گردن پر چینل کے مائیک کا تار بندھا ہوا تھا۔

اس حوالے سے پولیس کا کہنا ہے کہ کھوجی کتوں کی مدد سے شواہد ملے ہیں کہ صحافیوں کو جھاڑیوں میں یرغمال بناکر تشدد کیا گیا۔

پولیس کا کہنا ہے کہ حراست میں لیے گئے کیمرا مین اویس قریشی کے بیان میں بھی تضاد ہے جبکہ مقتول صحافی کے بھائی نے بھی قتل میں کیمرا مین کے ملوث ہونے کا شبہ ظاہر کردیا۔

علاوہ ازیں پولیس کا کہنا تھا کہ باقاعدہ مقدمہ کل محراب پورتھانے میں درج کروایا جائے گا۔

صحافی کے قتل پر صحافی تنظیموں کی جانب سے سکھر، پڈعیدن اور ٹنڈو محمد خان میں احتجاجی مظاہرے کیے اور قاتلوں کی جلد گرفتاری کا مطالبہ کیا گیا۔


متعلقہ خبریں

بہنوئی

کورونا وائرس : وزیراعلیٰ سندھ کے بہنوئی انتقال کرگئے

وزیر اعلیٰ سندھ مراد علی شاہ کے  بہنوئی مہدی شاہ مہدی شاہ کورونا وائرس کی وجہ سے...

کورونا ویکیسن

ملک میں کورونا وائرس کے افراد کی تعداد 4400 سے تجاوز کرگئی

ملک میں کورونا وائرس کے مزید 217 فراد میں مہلک وائرس کی تشخیص ہوئی جس کے بعد...

5 افراد

ملک میں کورونا وائرس سے مزید 5 افراد جاں بحق ، مجموعی تعداد 65 ہوگئی

ملک میں وائرس سے مزید 5 افراد جان کی بازی ہار گئے ، جس کے بعد اموات...

مزید 58  کیسز

پنجاب میں کورونا وائرس کے مزید 58  کیسز کی تصدیق

پنجاب میں کورونا وائرس کے مزید 58  کیسز کی تصدیق ہوئی ہے جس کے بعد صوبے بھر...


ضرور پڑھیں

کورونا وائرس

کورونا وائرس کا خوف، ماں نے ملنے کیلئے تڑپتی بچی کو روتا چھوڑدیا

کورونا وائرس کے خوف نے لوگوں کو نہ چاہتے ہوئے بھی اپنے پیاروں سے دور رہنے پر...

الو سے کورونا کا علاج بتانےوالے بابا کانیا بیان سامنے آگیا

ایک بھارتی بزرگ کی سوشل میڈیا پر اپ لوڈ ایک ویڈیو وا ئرل ہوگئی جس میں دعویٰ...

ثمینہ احمد نے کون سےاداکارکے ساتھ شادی کرلی ؟

پاکستان کی معروف سینئر اداکارہ ثمینہ احمد کی جیو ٹی وی کے معروف ڈرامے ’الف‘میں عبدالعلیٰ کا...

ماہرہ خان نے مدا حوں کو خوشخبری سنا دی

پاکستان کی سپر اسٹار ماہرہ خان کے مداح انہیں آج بھی ڈراموں کا حصہ دیکھنا چاہتے ہیں...