حریت رہنما یاسین ملک کی اہلیہ مشعال ملک نے کہا ہے کہ انسانی حقوق کی عالمی تنظیمیں یاسین ملک کے حق میں آواز بلند کریں۔
تفصیلات کے مطابق حریت رہنما یاسین ملک کی اہلیہ مشعال ملک نے میڈیا سے گفتگو کرتے ہوئے کہا کہ ہندوستانی جیل میں کشمیریوں کے ساتھ انسانی حقوق خلاف ورزی ہو رہی ہے، عالمی برداری انسانی حقوق کی خلاف ورزی کا نوٹس لے۔
اپنے بیان میں مشعال ملک نے کہا ہے کہ حریت رہنما یسین ملک تہاڑ جیل میں شدید علیل ہیں، انسانی حقوق کی عالمی تنظیمیں یاسین ملک کے حق میں آواز بلند کریں۔
حریت رہنما کی اہلیہ نے یہ بھی کہا کہ یسین ملک نے بھارتی بربریت کے خلاف پچھلے سات دن سے بھوک ہڑتال کر رکھی ہے، وہ دل کے عارضے میں مبتلا ہیں لیکن ان کو علاج کی سہولت بھی فراہم نہیں کی جارہی۔
مشعال ملک کا کہنا تھا کہ یسین ملک کو قید تنہائی میں رکھا گیا ہے، تحریک کو کچلنے کے لیے یسین ملک کے تیس سال پرانے کیس کھولے جارہے ہیں جبکہ کل یسین ملک کو اسٹریچر اور ڈرپ لگا کر جج کے سامنے پیش کیا گیا۔
یاسین ملک کی اہلیہ مشعال ملک نے کہا کہ ہندوستانی عدالتوں سے انصاف کی توقع نہیں، یسین ملک کی طبعیت خراب ہونے کے باوجود انہیں مسلسل تین دن عدالت میں پیش کرنے کا حکم دیا گیا۔
مودی حکومت مسلم دشمن پالیسی پر عمل پیراہے ، مشعال ملک
حریت رہنما یاسین ملک کی اہلیہ مشعال ملک نے مزید کہا کہ ہندوستانی عدالتوں میں حریت رہنماؤں اور کشمیریوں کے ساتھ انصاف نہیں بلکہ انہیں آذادی مانگنے کی سزا دی جاتی ہے۔
واضح رہے اس سے قبل حریت رہنما یاسین ملک کی اہلیہ مشعال ملک نے اپنے بیان میں کہا تھا کہ مقبوضہ کشمیر کے بعد نریندر مودی نے بھارت میں بھی مسلمانوں کا جینا مشکل کر دیا۔
یاسین ملک کی اہلیہ نے یہ بھی کہا تھا کہ بھارت میں مساجد کو شہید کیا جا رہا ہے اور ہندوستان میں نہ صرف اقلیتوں کے ساتھ بدترین سلوک کیا جا رہا ہے بلکہ اقلیتوں کے خلاف باقاعدہ قانون سازی بھی ہو رہی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News