وزیراعظم عمران خان نے کہا ہے کہ وہ پرنس چارلس اور برطانوی وزیراعظم بورس جانسن کی جلد صحتیابی کے لئے دعا گو ہیں۔

تفصیلات کے مطابق ٹوٗڑ پر اپنے ایک پیغام کے ذریعے وزیراعظم عمران خان نے کہا ہے کہ کورونا واےرس کی اس عالمی وباء کے لئے ہمیں سرحدوں کو بھلا کر متحد ہو کر لڑنا ہوگا۔

I wish HRH Prince Charles @ClarenceHouse and PM @BorisJohnson speedy recovery, good health and long life. This deadly virus #COVID19 has hit people beyond borders. We need an internationally coordinated response to counter it. #TogetherWeCan

— Imran Khan (@ImranKhanPTI) March 28, 2020

انہوں نے کہا ہے کہ یہ وباء پوری دنیا میں تباہی مچا رہی ہے اور اس صورتحال سے نمٹنے کے لئے ہم سب کو ایک بیچ پر آنا ہوگا۔

یاد رہے کہبکنگھم پیلس کا دو روز قبل کہنا تھا کہ برطانوی شہزادے چارلس کا کرونا وائرس ٹیسٹ مثبت آ گیا ہے، شہزادہ چارلس میں کرونا کی علامات تھیں جس پر ان کا ٹیسٹ کیا گیا تھا۔

خیال رہے کہ دو روز قبل برطانوی وزیراعظم بورس جانسن اور وزیر صحت میٹ ہینکاک کا کروناوائرس ٹیسٹ مثبت آیا تھا۔

واضح رہے برطانیہ میں کرونا کے مریضوں کی تعداد 11,658 ہوگئی جبکہ وائرس سے ہلاکتوں کی تعداد 578 تک جا پہنچی ہے۔ ملک میں وبائی مرض کے مزید کیسز سامنے آنے کے خدشات ہیں۔