نیشنل ڈیزاسٹر مینجمنٹ اتھارٹی کے چیئرمین لیفٹیننٹ جنرل محمد افضل نے کہا ہے کہ چین نے کورونا وائرس کے پیش نظر اس آزمائش میں بھی پاکستان کا سچا دوست ہونے کا ثبوت دیا ہے۔

تفصیلات کے مطابق پاکستان میں چین کے سفیر نے امدادی سامان چیرمین این ڈی ایم اے لفٹیننٹ جنرل محمد افضل کے حوالے کیا۔

چین کی جانب سے بھیجا گیا امدادی سامان وصول کرنے کے بعد گفتگو کرتے ہوئے نیشنل ڈیزاسٹر مینجمنٹ اتھارٹی کے چیئرمین لیفٹیننٹ جنرل محمد افضل نے کہا ہم مشکل کی اس گھڑی میں چین کے تعاون پر پاکستان کی حکومت اور عوام کی جانب سے شکریہ ادا کرتے ہیں۔

ترجمان این ڈی ایم اے کنے یہ بھی کہا کہ کے کورونا وائرس کے پھیلاؤکو روکنے اور تدارک کامشن بھرپور طریقے سے جاری ہے، اس سلسلے میں چین پاکستان کے ساتھ بھرپور تعاون کر رہا ہے ، اس مقصد کیلئے چین سے امدادی سامان کا ایک اور جہاز اسلام آباد پہنچ گیا ہے۔

نیشنل ڈیزاسٹر مینجمنٹ اتھارٹی کے چیئرمین لیفٹیننٹ جنرل محمد افضل نےمزید  کہا کہ ووھان سے آنے والی خصوصی پرواز میں تقریبا 6 ٹن سامان بھیجا گیا ہے، سامان میں 15 ونٹی لیٹرز، ماسک، میڈیکل کی دوسری طبی و حفاظتی اشیاء شامل ہیں۔

پاکستان آرڈیننس فیکٹری واہ نے بڑے پیمانے پر ماسک اور سینیٹائزر بنانا شروع کردیئے

یاد رہے اس سے قبل این ڈی ایم اے نے تمام صوبائی ڈیزاسٹر منیجمنٹ   اتھارٹیز کو این 95 ماسک فراہم کر دیئے جبکہ دیئے گئے این 95 ماسک میں سے دو لاکھ پی ڈی ایم اے سندھ کو دیئے گئے۔

ذرائع کا کہنا تھا کہ پی ڈی ایم اے پنجاب کو 75ہزار این 95ماسک دیئے گئے جبکہ پی ڈی ایم اے کےپی، بلوچستان ، دارلحکومت اسلام آباد کے لئیے پچاس پچاس ہزار ماسک دیئے گئے اور ایس ڈیی ایم اے آزاد کشمیر کو پندرہ ہزار این 95 ماسک فراہم کیے گئے ہیں۔