او آئی سی کے وفد نے ایل او سی کے دورے کے بعد بھارت سے کشمیر میں کرفیو اور محاصرے کے خاتمے اور کشمیریوں کے بنیادی انسانی حقوق کی بحالی کا مطالبہ کیا ہے۔
کشمیر کے بارے میں اسلامی تعاون تنظیم کے سیکرٹری جنرل کے خصوصی نمائندے یوسفالدوبئے نے بھارتی حکومت سے مقبوضہ کشمیر میں پانچ اگست کا اقدام منسوخ کرنے، کرفیو اور محاصرے کے خاتمے اور کشمیریوں کے بنیادی انسانی حقوق کی بحالی کا مطالبہ کیا ہے۔
مظفر آباد میں آزاد جموں و کشمیر کے صدر سردار مسعود خان سے ملاقات کے بعد صحافیوں سے گفتگو کرتے ہوئے انہوں نے کہا کہ اسلامی تعاون تنظیم نےا س دیرینہ تنازع کے اقوام متحدہ کی سلامتی کونسل کی قرار دادوں کے مطابق پرامن سیاسی حل کی ہمیشہ حمایت کی ہے تاکہ جنوبی ایشیا پائیدار امن یقینی بنایا جاسکے۔
او آئی سی کے 6 رکنی وفد کا لائن آف کنٹرول کا دورہ
انہوں نے اقوام متحدہ کی انسانی حقوق کونسل کی رپورٹ 2018 اور 2019 کی رپورٹوں میں شامل سفارشات پر عملدرآمد اور مقبوضہ کشمیر میں انسانی مسائل حل کرنےکا بھی مطالبہ کیا ۔
اس موقع پر اظہار خیال کرتے ہوئے آزاد جموں و کشمیر کے صدر سردار مسعود خان نے کنٹرول لائن کے دورے اور وہاں صورتحال کا جائزہ لینے کےلئے خصوصی نمائندہ مقرر کرنے پر اسلامی تعاون تنظیم کے سیکرٹری جنرل کا شکریہ ادا کیا۔
دوسری جانب وزارت خارجہ میں جموں وکشمیر کی صورتِ حال پر مشاورتی اجلاس منعقد ہوا جس میں اجلاس کی صدارت وزیر خارجہ شاہ محمود قریشی نے کی۔
چیئرمین کشمیر کمیٹی سید فخر امام، سینیٹرمشاہد حسین سید اور وزارتِ خارجہ کے اعلیٰ حکام بھی اجلاس میں شامل رہے۔
اجلاس میں جموں وکشمیر کے لیے خصوصی نمائندگان پر بھی تبادلہ خیال کیا گیا۔
اجلاس میں وزیر خارجہ شاہ محمود قریشی کا کہنا تھا کہ مقبوضہ کشمیر کے سنگین حالات کے سے دنیا کے تمام ممالک اور متعلقہ اداروں کو روشناس کرانے کی ضرورت ہے کیونکہ ہندوستان، مقبوضہ کشمیر میں انسانی حقوق کی شدید خلاف ورزیوں میں ملوث ہے۔
انہوں نے کہا کہ مقبوضہ کشمیر میں لاک ڈاؤن کو214 دن گزر چکے ہیں جس پر کئی ممالک کی پارلیمان مقبوضہ کشمیر کی صورتحال پر اہم قراردادیں منظور کر چکی ہیں۔
اجلاس میں سید فخر امام کا کہنا تھا کہ مختلف ممالک کی پارلیمان کے علاوہ علم و تحقیق کے شعبہ جات کو بھی مقبوضہ کشمیر کے حالات سے روشناس کرانے کی ضرورت ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News