وزیراعظم عمران خان نے کہا ہے کہ جو بھی حکمت عملی بنارہے ہیں اس میں دیہاڑی دار ، مزدور پہلی ترجیح ہے ۔
تفصیلات کے مطابق وفاقی دارالحکومت اسلام آباد میں وزیراعظم عمران خان کی زیرصدارت پی ٹی آئی کور کمیٹی اجلاس ہوا جس میں وزیر اعلیٰ پنجاب، وفاقی وزرا، آئینی وقانونی ماہرین نے شرکت کی۔
اس موقع پر اسد عمر، حماد اظہر نے معاشی صورت حال پر بریفنگ دی جبکہ بابر اعوان نے قانونی و آئینی معاملات پر اراکین کو آگاہ کیا اور کرونا سے بچاؤ کیلئے عوام میں آگاہی میں پارٹی کے متحرک کردارپر مشاورت بھی کی گئی۔
وزیراعظم کی زیر صدارت اجلاس کے دوران کرونا وائرس کی مجموعی صورت حال اور ملک میں اشیائے ضروریہ کی بلاتعطل فراہمی کے اقدامات کا جائزہ لیا گیا ۔
اجلاس کی صدارت کرتے ہوئے وزیراعظم نے کہا کہ حکومت کی ساری توجہ غریب اور نادار طبقے پر ہے مجھے یقین ہے قوم متحد ہوکر اس آزمائش کا مقابلہ کرے گی ۔
وزیراعظم نےیہ بھی کہا کہ گھبراہٹ میں کیےگئے فیصلے درست نہیں ہوتے، ہنگامی حالات میں تمام ملکی وسائل استعمال کرنے کا فیصلہ کیا ہےجبکہ ہزاروں پارٹی عہدیداروں کو کورونا ریلیف ٹائیگرز پروگرام میں شامل کیا جائے گا۔
پاکستان میں کورونا سے جاں بحق افراد کی تعداد 13 تک پہنچ گئی
عمران خان کا کہنا تھا کہ ذخیرہ اندوزوں سے کہہ رہا ہوں نرمی سے کہی جانے والی بات مان لیں، سختی میں کیے جانے والے فیصلے آپ کے مفاد میں نہیں ہوں گے۔
اجلاس میں وزیراعظم عمران خان کا مزید کہنا تھا کہ مشکل وقت میں لیڈر شپ کا امتحان ہوتا ہے، کل قوم کے سامنے جامع روڈ میپ رکھوں گا۔
یاد رہے آج سندھ، خیبر پختونخوا، گلگت بلتستان اور آزاد کشمیر کورونا میں کورونا وائرس کے مزید کیسز سامنے آنے کے بعد پاکستان میں وبا سے متاثرہ مریضوں کی تعداد 1530 تک پہنچ گئی ہے جب کہ مزید ایک شخص کی ہلاکت کے بعد جاں بحق افراد کی تعداد 13 ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News