سابق وزیر اعظم شہید ذوالفقار علی بھٹو کی برسی کے موقع پر وزیراعلیٰ ہاؤس میں قرٓن خوانی اور فاتحہ کا اہتمام کیا گیا۔

تفصیلات کے مطابق ترجمان وزیراعلیٰ ہاؤس کا کہنا ہے کہ ذوالفقار علی بھٹو کی روح کو ایثال ثواب کے لیے خصوصی دعا بھی کی گئی۔

فاتحہ خوانی میں وزیراعلی سندھ مراد علی شاہ کے ہمراہ صوبائی وزرا بھی شریک ہوئے۔

ادھر پاکستان پیپلزپارٹی کی مرکزی اطلاعات سیکریٹری و رکن قومی اسیمبلی نفیسہ شاہ کا شہید ذوالفقار علی بھٹو کے 41یوم شہادت پر بیان دیا ہے۔

نفیسہ شاہ کا کہنا تھا کہ قائد ذوالفقار علی بھٹو ایک جدوجہد، یقین، اتحاد، آزادی، سماجی انصاف اور جمہوریت کا دوسرا نام ہے جس کے لئے  بھٹو کی عظیم قربانیوں کو ہمیشہ یاد رکہا جائیگا۔

یوم بھٹو کے موقع پر آصف علی زرداری کا پیغام جیالوں کے نام

انہوں نے کہا کہ ذوالفقار علی بھٹو کے قتل کو عدالتی قتل قرار دینے اور تاریخ میں درستگی کا مطالبہ کرتے آئے ہیں اور 41 سال بعد بہ ہم شہید کے خون پر انصاف کے منتظر ہیں۔

انہوں نے مزید کہا کہ  بھٹو نے جوہری پرگرام کی بنیاد رکہی اور متفقہ طور پر 1973کا آئین دیا۔

ترجمان نفیسہ شاہ کا کہنا تھا کہ یوم شہادت کے موقعے پر عوامی لیڈر ذوالفقار علی بھٹو کو خراج عقیدت پیش کرتے ہیں جبکہ  آج بھی عوام کی دلوں پر راج کرتا ہے۔

اس موقع پر ان کا کہنا تھا کہ کورونا وائرس جیسی وبا پر چیئرمیں بلاول بھٹو زرداری کی ہدایتوں پر سندھ حکومت کی وائرس کے خلاف جنگ ذوالفقار علی بھٹو کے نظریے کی عکاسی کر رہا ہے اور آج بھی اس ملک کو نئے بھٹو کی ضرورت ہے جو ملکی مسائل سے نجات دلائیں۔

اس سے قبل یوم بھٹو کی مناسبت سے اس موقع پر آصف علی زرداری نے پیغام  شہید بھٹو کے جیالوں کے نام ایک پیغام دیا ہے۔

سابق صدر مملکت اور پاکستان پیپلز پارٹی پارلیمنٹیرین کے صدر آصف علی زرداری نے کہا ہے 41 سال گذرنے کے باوجود شہید قاٸد عوام ذوالفقار علی بھٹو عوام کے دلوں پر حکمرانی کر رہے ہیں جبکہ ان کے قاتل تاریخ کے مجرموں کے کٹہڑے میں کھڑے ہیں۔

پاکستان پیپلز پارٹی کے بانی چیٸرمین قاٸد عوام ذوالفقار علی بھٹو شہید کے 41 ویں یوم شہادت کے موقع پر اپنے پیغام میں سابق صدر نے کہا کہ قاٸد عوام شہید نے صدیوں سے استحصال کے شکار عوام کو شعور دیکر استحصالی قوتوں کو شکست دی تھی۔