پنجاب حکومت نے پنجاب سیلز ٹیکس آن سروسز ایکٹ2012ء میں تین ماہ کیلئے ترامیم کرتے ہوئے متعدد سروسز پر عائد 16 فیصد جنرل سیلز ٹیکس کی شرح صفر کر دی ہیں جو 30جون 2020ء تک قابل عمل رہیں گی۔
نوٹیفکیشن کے مطابق جن شعبوں پر جی ایس ٹی صفر کی گئی ہے ان میں ہوٹلز، موٹلز، گیسٹ ہائوس، میرج ہالز، لانز، کیٹرنگ سروسز سمیت دیگر سروسز شامل ہیں۔
خیال رہے کہ کلبوں، ریس کلبوںکی ممبر شپ فیس اور دیگر سروسز پر جی ایس ٹی کی 16فیصد شرح بر قرار رہے گی۔
دیہاڑی دار طبقے کو ریلیف دینے کےلیے وزیراعظم عمران خان نے "تعمیراتی سیکٹر" کو بحال کرنے کافیصلہ کیاہے
Advertisementاسی مقصد کےتحت ہم نے پنجاب میں تعمیراتی شعبے کے لیے "PRA Tax" ختم کر دیاہے اور "ٹوکن ٹیکس" 6 فیصد سے کم کر کے 2فیصد کردیا ہےجس سے اس سیکٹر کو 10 ارب روپے کا براہ راست فائدہ ہوگا
— Usman Buzdar (@UsmanAKBuzdar) April 3, 2020
ترامیم کے مطابق جن دیگر 13سروسز پر سیلز ٹیکس آن سروسز صفرکی گئی ہیں ان میںکنٹریکٹرز، کنسٹرکشن سروسز، بیوٹی پارلرز، سیلون، کلینکس، کنسلٹنٹس، ٹریول ایجنٹ، پراپرٹی ڈیلرز، رینٹ اے کار، کارڈ یلرز، جمز، ہیلتھ کیئر، ان ڈور گیمز، لانڈری اینڈ ڈرائی کلینرز، کیبل آپریٹرز، ٹیکسٹائل اینڈ لیدر سیکٹر کی سروسز، اپارٹمنٹس، ہائوس مینجمنٹ، رئیل اسٹیٹ مینجمنٹ کی سروسز، ڈاکٹرز، میڈیکل کنسلٹنٹس، ہیلتھ انشورنس، لائف انشورنس اورہسپتالوں کے بیڈ رومز پر جی ایس ٹی کی شرح صفر کر دی گئی ہے۔
اس کے علاوہ ہیلتھ اور لائف انشورنس کے علاوہ دیگر انشورنسز پر جی ایس ٹی کی شرح بر قرار رہے گی۔
خیال رہے پنجاب ریونیو اتھارٹی کہ جاری کردہ نوٹیفکیشن کے مطابق یکم جولائی سے ٹیکس کی شرح میں کمی کی سہولت ختم تصور ہو گی۔
دوسری جانب محکمہ ایکسائز، ٹیکسیشن اینڈ نارکوٹکس کنٹرول پنجاب نے تین ماہ کیلئے پراپرٹی اور پروفیشنل ٹیکس میں چھوٹ دے دی ہے۔
محکمہ ایکسائز نے اپریل 2020ء سے جون 2020ء تک تین ماہ کے لئے چھوٹ دی ہے۔ صوبائی وزیر ایکسائز حافظ ممتاز احمد نے کہا ہے کہ اس فیصلے سے محکمہ ایکسائز کو تین ارب تیس کروڑ کم آمدن ہوگی، مگر مشکل کی گھڑی میں عوام کو بڑا ریلیف دینے کا فیصلہ کیا گیا ہے۔
واضح رہے کہ حکومتی اقدامات کا بنیادی مقصد کرونا کی وبا سے پیدا ہونے والی صورتحال میں کاروباری طبقے کی تکالیف میں کمی لانے کے ساتھ عوام کو ریلیف دینا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News