مسلم لیگ (ن) پنجاب کی ترجمان عظمیٰ بخاری نے کہا ہے کہ کرپشن اور چور ڈاکو کا نعرہ عمران خان کے گلے کا تعویذ بن چکا ہے لیکن اب وقت آگیا ہے کہ عمران قوم سے معافی مانگیں اور سرینڈر کریں ۔
تفصیلات کے مطابق مسلم لیگ (ن) پنجاب کی ترجمان عظمیٰ بخاری نے اپنے بیان میں پی ٹی آئی حکومت پر تنقید کرتے ہوئے کہا کہ چینی چور آٹا چور مگرمچھ کے آنسو بہارہے ہیں۔
عظمیٰ بخاری نے کہا کہ یہ پہلی حکومت ہے جو چوری اور کرپشن کی داستانیں فخر سے سنارہی ہےاور کریڈٹ لینے کی کوشش کر رہی ہے ۔
مسلم لیگ (ن) پنجاب کی ترجمان نے یہ بھی کہا کہ آٹا چور اور چینی چور عمران اور بزدار کے آج بھی دائیں بائیں بیٹھے ہیں لیکن جہانگیرترین اور خسرو بختیار کو قوم کا پیسہ اتنی جلد ہضم نہیں کرنے دینگے۔
مسلم لیگ (ن) پنجاب کی ترجمان عظمیٰ بخاری نے مزید کہا کہ پاکستان تاریخ کے مشکل ترین دور سے گزررہا ہے اور حکومتی لوگ مال بنانے میں مصروف ہیں، عمران خان کا ورلڈکپ قوم کو اربوں ڈالر کا مقروض کرگیا ہے۔
پنجاب میں آٹے کے بحران کے ذمہ دار وزیراعلیٰ پنجاب ہیں، عظمیٰ بخاری
یاد رہے کہ ملک میں کورونا وائرس کے آج 226 افراد میں مہلک وائرس کی تشخیص ہوئی جن میں سندھ سے 50 جبکہ پنجاب میں 176 افراد میں کورونا وائرس کے کیسز کی تصدیق ہوئی ہے جس کے بعد ملک بھر میں متاثرہ افراد کی تعداد 4204 تک پہنچ گئی ہے۔
پاکستان میں کوروناوائرس سے متاثرہ مریضوں کی اعداد و شمار کے مطابق اس وقت سندھ میں 1036 ، بلوچستان میں 210 ، خیبرپختونخوا میں 527 ،اسلام آباد میں 83 ، گلگت بلتستان میں 212 ، پنجاب میں 2108 اور آزاد کشمیر میں 28 مریض موجود ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News