کراچی میں سب سے پہلے کورونا وائرس میں مبتلا ہونے اور صحتیاب ہونے والے نوجوان یحییٰ جعفری نےمہلک بیماری کے علاج کے لیے اپنا پلازما عطیہ کردیا۔

تفصیلات کے مطابق یحییٰ جعفری نے کورونا کے علاج کے لیے اپنا پلازما عطیہ کرتے ہوئے کہا ہے کہ اللہ کا شکر ہے مجھے اس بیماری سے شفا ملی،یہ وائرس کچھ ہی عرصے میں تاریخ بن جائیگا لیکن ہماری کوشش یاد رکھی جائیگی۔

اس موقع پر یحییٰ نے پاکستانی قوم کوپیغام دیتے ہوئے کہا کہ سب صفائی ستھرائی کا خاص خیال رکھیں، امید ہے کہ یہ وائرس جلد ختم ہو جائیگا۔

باہمت نوجوان کا کہناتھا کہ میری وجہ سے اگر ملک کو کوئی فائدہ ہو تو میں حاضر ہوں۔

اس موقع پریحییٰ کا علاج کرنے والے ڈاکٹرثاقب انصاری نے کہا کہ ہمیں حکومت سے کوئی پیسہ نہیں چاہیے،جو مشینیں ڈینگی کے علاج میں کام کرتی ہیں وہ ہی کورونا میں کام کرتی ہیں، ہم حکومت کے فیصلے کے منتظر ہیں۔

ڈاکٹر انصاری کا کہناتھا کہ کورونا کے 90 فیصد متاثرین میں پلازمہ کی ضرورت نہیں پڑھتی۔

یحییٰ جعفری کی کاوشوں کوسراہتےہوئے قومی کرکٹر رومان رئیس نے کہا ہے کہ سب سے پہلے یحییٰ جعفری کی ہمت اور بہادری کو سلام پیش کرتا ہوں۔

انہوں نے کہا کہ جس  طرح ہم نےچیئمپنز ٹرافی جیتی ہے اسی طرح ہم وبا سے احتیاط اور حکومتی اقدامات پر عمل کرکے کورونا سے جیتیں گے۔