معروف ڈاکٹرز نے  کراچی میں پریس کانفرنس نے خطرہ کی گھنٹی بجا دی اور کہا ہے کہ ملک بھر میں مساجد کو بند کیا جائے اور لاک ڈاؤن مزید سخت کیا جائے۔

ڈاکٹرز نے کہا ہے کہ اگلے چند ہفتے بہت خطرناک ہیں مریضوں کی تعداد بڑھتی رہی تو کنٹرول کرنا مشکل ہو جائے  گا، پاکستان میں 60سال سے کم عمر مریض مغرب سے زیادہ ہیں۔

ڈاکٹرز کا مزید کہنا تھا کہ اسپتالوں میں گنجائش نہیں۔ ایسا نہ ہم سڑکوں پر لوگوں کا علاج کررہے ہوں جبکہ ڈاکٹرز نے علما ئے کرام سے بھی فیصلے پر نظر ثانی  کی درخواست کر دی گئی ہے۔

کراچی پریس کلب میں میڈیا نمائندگان سے گفتگو کرتے ہوئے ڈاکٹر قیصر سجاد کا کہنا تھا کہ بہت سارے لوگ کرونا وائرس کو مذاق سمجھ رہے ہیں، شہر میں دکانیں کھلی ہوئی ہیں جس پرکوئی توجہ نہیں دی جارہی، عوام اور حکمرانوں کو یہ سمجھنا ہوگا کہ ہمارے پاس اسپتالوں میں جگہ موجود نہیں ہے، پاکستان کا شعبہ صحت بہت کمزور ہے۔

اُن کا کہنا تھا کہ حکمرانوں سے پہلے بھی کئی مہلک بیماریاں نہیں سنبھالی گئیں، 14اپریل سے لاک ڈاؤن میں نرمی آتے ہی مریضوں میں اضافہ ہوگیا، عوام سمیت تمام مکاتب فکر کو وبا پر کنٹرول کرنے کے لیے اپنا تعاون پیش کرنا ہوگا۔