وزیر اعظم عمران خان نے کہا ہے کہ شعبہ تعمیرات میں سرمایہ کاری سے متعلق کوئی سوال نہیں کیا جائے گا۔
وزیر اعظم عمران خان نے تعمیرات کے شعبے کے لیے 1200 ارب روپے کے پیکج کا اعلان کرتے ہوئے کہا کہ تعمیرات کے شعبہ میں پیسہ لگانے والوں سے کوئی سوال نہیں ہوگا۔
وزیر اعظم نے کہا کہ شعبہ تعمیرات کو انڈسٹری کا درجہ دے رہے ہیں،14 اپریل سے تعمیراتی سیکٹر کھل جائیں گے۔چاہتا ہوں تعمیرات کے شعبے سے وابستہ لوگوں کو روزگار ملے۔
عمران خان نے کہا کہ تعمیراتی شعبے کے لیے فکسڈ ٹیکس کا نظام لارہے ہیں جبکہ صوبوں کے ساتھ مل کر سیلز ٹیکس بھی کم کر رہے ہیں۔
انہوں نے مزید کہا کہ جو خاندان اپنا گھر بیچنا چاہتا ہے اس پر ٹیکس لاگو نہیں ہوگا ۔گھر بیچنے پر کوئی کیپیٹل گین ٹیکس نہیں لگے گا ۔
وزیر اعظم نے کہا کہ نیا پاکستان ہاؤسنگ اسکیم کے لیے 30 ارب روپے کی سبسڈی دیں گے۔نیا پاکستان ہاؤسنگ اسکیم میں سرمایہ کاری پر 90 فیصد ٹیکس معاف ہوگا۔
وزیر اعظم کی مقبوضہ کشمیر میں اکثریت کو اقلیت میں بدلنے کی مذمت
عمران خان کا کہنا تھا کہ سیمنٹ اور اسٹیل انڈسٹری پر ود ہولڈنگ ٹیکس لاگو ہوگا۔
وزیر اعظم کا کورونا کے حوالے سے بات کرتے ہوئے کہنا تھا کہ پاکستان میں کورونا چیلنج مغربی دنیا سے مختلف ہے۔یہاں ایک طرف کورونا ہے تو دوسری طرٖ غربت ہے۔
عمران خان نے کہا کہ کورونا ریلیف فنڈ سے مستحقین کی مدد کریں گے۔لوگوں کو بہت جلد ریلیف ملے گا۔ نادرا کی مدد سے ڈیٹا چیک کرہے ہیں۔40 لاکھ لوگوں کو 3 سے 4 دن میں چیک مل جائیں گے۔
انہوں نے کہا کہ امریکہ میں مزدور طبقہ رجسٹرڈ ہے جبکہ پاکستان میں 80 فیصد سے زائد مزدور رجسٹرد نہیں ہیں یہی وجہ ہے یہاں مزدور طبقے تک پہنچنا بہت مشکل ہے۔
وزیر اعظم عمران خان کا کہنا تھا کہ پرائیوٹ اسکولوں کی فیس سے متعلق بھی پالیسی بنائی جارہی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News