معاون خصوصی وزیراعظم برائے یوتھ افئیرز عثمان ڈار نے کہا ہے کہ وزیراعظم کورونا ریلیف ٹائیگرز فورس پر رجسٹریشن صرف اور صرف بذریعہ سیٹیزن پورٹل ہوگی اس کے علاوہ سوشل میڈیا پر گردش کرنے والےرجسٹریشن فارمز جعلی ہے۔
تفصیلات کے مطابق وزیراعظم کے معاون خصوصی وزیراعظم برائے یوتھ افئیرز عثمان ڈار نے ویڈیو پیغام میں کہا کہ رجسٹریشن کا آغاز ہوتے ہی ملک بھر کے نوجوانوں کے لئے سیٹیزن پورٹل پر رجسٹریشن اوپن کر دی گئی ہے،ملک بھر سے 90 ہزارنوجوان ٹائیگرز پروگرام میں رجسٹرڈ ہوچکے ہیں۔
عثمان ڈار نے یہ بھی کہا کہ نوجوان وزیراعظم عمران خان کی ٹائیگر فورس کا حصہ بن سکتے ہیں لیکن نوجوانوں سے درخواست ہے کسی جعلی فارم پر رجسٹریشن نہ کریں کیونکہ رجسٹریشن کا عمل صرف اور صرف پاکستان سیٹیزن پورٹل کے ذریعے ہی ہوگا۔
معاون خصوصی وزیراعظم برائے یوتھ افئیرز عثمان ڈار نے مزید کہا کہ میں نے خود کو بھی ٹائیگر فورس میں رجسٹر کر لیا ہے اور مجھےخوشی ہے کہ میں وزیراعظم کی ریلیف ٹائیگر فورس کا حصہ ہوں۔
یاد رہے اس سے قبل وزیراعظم کورونا ریلیف ٹائیگرز فورس میں نوجوانوں کیلئے رجسٹریشن کا باقاعدہ آغاز کردیا تھا۔
وزیراعظم کورونا ریلیف ٹائیگرز فورس کی رجسٹریشن کا آغاز
سماجی رابطے کی ویب سائٹ ٹوئٹر پر جاری پیغام میں وزیراعظم عمران خان نے کہا تھا کہ چاہتا ہوں نوجوان کورونا وائرس سے نمٹنے کیلئے اپنا کردار ادا کریں۔ نوجوان کورونا ٹائیگر فورس میں شامل ہوکر کورونا کے خلاف لڑائی میں ہماری مدد کریں۔
وزیراعظم کورونا ریلیف ٹائیگرز فورس کی رجسٹریشن کا آغاز ہوتے ہی ملک بھر سے 90 ہزارپروگرام میں رجسٹرڈ ہوگئے ۔وزیراعظم عمران خان نے ٹوئٹر پیغام میں عوام کو پروگرام میں شامل ہونے کی ترغیب دی ۔
وزیراعظم عمران خان نے مزید کہا تھا کہ کورونا ٹائیگر فورس وباء سے پیدا ہونے والے مسائل کے خلاف جہاد کرے گی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News