چیئرمین آل سندھ پرائویٹ اسکولز اینڈ کالجز ایسوسی ایشن حیدر علی نے کہا ہے کہ سرکاری و نجی تعلیمی ادارے 15 جون سے کھول دئیے جائیں۔
ایک بیان میں حیدر علی کا کہنا تھا کہ تمام تعلیمی اداروں بشمول اسکولز، کالجز اور یونیورسیٹیز کو ایس و پیز کے ساتھ کھولا جائے، ایس و پیز کا انتظام اور پابندی بہت بڑی راکٹ سائنس نہیں ہے، ہر سرکاری و نجی تعلیمی ادارے میں سینیٹائزنگ محلول اور ماسک کا انتظام کیا جاسکتا ہے جبکہ ہر سرکاری و نجی تعلیمی ادارے میں تھرمل اسکینگ ڈیوائس کا انتظام باآسانی ہو سکتا ہے۔
انہوں نے کہا کہ دو شفٹ میں طلبہ کو بلا کر فزیکل فاصلہ رکھا جاسکتا ہے، کلاس میں بچوں کو تین فٹ کے فاصلے سے بٹھایا جاسکتا ہے، کم وقت کے لیے بلانے سے بچوں کو بریک کی ضرورت نہیں ہوگی جبکہ اسمبلی اور اسپورٹس پیریڈ کو ختم کر دیا جائے گا۔
حیدر علی کا مزید کہنا تھا کہ تعلیمی اداروں کی فیومیگیش کرائی جاسکتی ہے، کھانسی، بخار یا نزلہ زکام میں مبتلا بچوں کو اسکول سے رخصت دی جاسکتی ہے اور اسکول وینز کے لیے ٹرانسپورٹ کے ایس و پیز دئیے جاسکتے ہیں۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News