بلدیہ عظمیٰ کراچی ( کے ایم سی ) کے ملازمین کے بڑی خوشخبری آگئی۔
تفصیلات کے مطابق بلدیہ عظمیٰ کراچی (کے ایم سی )کے ملازمین کی تنخواہوں میں بجٹ کے موقع پر پندرہ فیصد کیے گئے اضافے کی منظوری دے دی گئی۔
میئر کراچی وسیم اختر کا کہنا ہے کہ کے ایم سی کے تمام ملازمین کی مئی کی تنخواہیں پندرہ فیصد اضافے کے ساتھ دی جائیں گی۔ یہ تنخواہیں پندرہ فیصد اضافے کے ساتھ عید سے قبل لازمی طور پر ادا کردی جائیں۔
وسیم اختر نے کہا کہ اس اقدام سے ملازمین اپنی عید کو بہترانداز میں منا سکیں گے۔ تمام ڈاکٹرزاور پیرامیڈیکل اسٹاف کی تنخواہوں میں بھی پندرہ فیصد اضافہ کردیا گیا ہے۔
میئر کراچی نے کہا کہ فائر بریگیڈ،میونسپل سروسز، پارکس اور دیگر تمام محکموں کی تنخواہوں میں بھی پندرہ فیصد اضافہ کردیا گیا۔
انہوں نے کہا کہ تمام محکمہ جاتی سربراہان منگل کے روز تک تنخواہوں کے بل پے رول میں جمع کرادیں۔
بلدیہ عظمیٰ کراچی کے ترجمان کا کہنا ہے کہ تنخواہوں میں پندرہ فیصد اضافے کی خبر سے ملازمین میں خوشی کی لہر دوڑ گئی ہے ۔کے ایم سی کے تمام ملازمین میئر کراچی وسیم اختر کی اس کوشش اور مسلسل محنت پر ان کے شکرگزار ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News