وزیر اعظم عمران خان کا کہنا ہے کہ حکومت سپریم کورٹ کے فیصلوں پر من و عن عملدرآمد یقینی بنائے گی۔
تفصیلات کے مطابق وزیراعظم عمران خان کی زیر صدارت وفاقی کابینہ کا اجلاس ہوا ۔
کابینہ اجلاس میں ملک کے بڑے ائیر پورٹس آؤٹ سورس کرنے کے معاملے پر تفصیلی غور کیا گیا۔
وزیراعظم نے ائیرپورٹس سروسز کو آؤٹ سورس کرنے کے معاملے پر اعلیٰ سطح کی کمیٹی قائم کر دی۔کمیٹی ائیرپورٹ کی سروسز آؤٹ سورس کرنے سے متعلق سفارشات تیار کرکے آئندہ اجلاس میں کابینہ کو پیش کرے گی۔
اجلاس میں کابینہ نے صوبوں میں پانی کی منصفانہ تقسیم کے لیے ٹیلی میٹرز نصب کرنے کی بھی منظوری دی ۔ وزیر اعظم نے پانی کی صوبوں کو منصفانہ تقسیم وقت کی ضرورت قرار دے دیا۔
وزیراعظم نے کہا کہ وزارت آبی وسائل پانی کی منصفانہ تقسیم کو یقینی بنائے۔
عمران خان نے کہا کہ ٹڈی دل سے نمٹنے کے لیے حکومت پوری طرح مستعد ہے۔حکومت نے ٹڈی دل حملے روکنے کے لئے اقدامات شروع کر دئیے تھے۔
وزیراعظم نے قومی سیاسی قیادت کو واضح پیغام دیا کہ بیماری کے معاملے پرسیاست نہ کی جائے۔
اجلاس میں کورونا وائرس کیس سے متعلق سپریم کورٹ کے فیصلے کا جائزہ لیا گیا۔مشیر پارلیمانی امور بابر اعوان نے وزیراعظم کو سپریم کورٹ کے فیصلے پر بریفنگ دی ۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News