عالمی وبا کورونا کے پھیلاؤ میں تشویشناک حد تک اضافے کے بعد اس کی روک تھام کےلئے آج اسلام آباد میں مزید 5 علاقوں کو سیل کیا جائےگا۔

تفصیلات کے مطابق وفاقی دارالحکومت میں  سیل ہونے والے علاقوں کے شہریوں کو خوراک و دیگر ضروری انتظام کیلئے24  جون کی شام 7 بجے تک کا وقت دے دیا گیا۔

ضلعی انتظامیہ کے مطابق  سیکٹرز جی سکس ون، جی سکس ٹو، جی سیون ٹو اور جی ٹین فور آج سیل کر دیئے جائیں گے، ان علاقوں میں گزشتہ چند روز کے دوران درجنوں کیسز رپورٹ ہوئے۔

ضلعی انتظامیہ کے مطابق غوری ٹاؤن کے مختلف علاقوں میں بھی کورونا وائرس کے ہاٹ سپاٹس کی نشاندہی ہوئی ہے، اس سے پہلے اسلام آباد کے سیکٹر آئی ایٹ، آئی ٹین، جی نائن اور کراچی کمپنی مرکز کو بھی سیل کیا جا چکا ہے۔