حکومت آذاد کشمیر نے مکمل لاک ڈاون ختم کر کے سمارٹ لاک ڈاؤن کا نوٹیفکیشن جاری کر دیا ہے۔

تفصیلات کے مطابق حکومت آذاد کشمیر نے 15 دن کیلئے سمارٹ لاک کا فیصلہ کرتے ہوئے نوٹیفکیشن جاری کردیا جس کا اطلاق آج رات 12 بجے سے ہو گا۔

نوٹیفکیشن کے مطابق کاروباری مراکز صبح 10 بجے سے سہ پہرچاربجے تک کھولے جائیں گے جبکہ ہفتہ اوراتوار کا کاروباری مراکز مکمل بند رہیں گے۔

نوٹیفکیشن میں کہا گیا ہے کہ آزادکشمیر میں سیاحوں پر پابندی بدستور برقرار رہے گی جبکہ عوامی اجتماعات،کھیل میدان، سینما ہال بدستور بند رہیں گے اور مساجد،امام بارگاہوں میں ایس او پی تحت عبادت کی اجازت ہو گی۔

نوٹیفکیشن میں پبلک ٹرانسپورٹ بحالی یا پابندی کا کوئی ذکر نہیں ہے جبکہ بیوٹی پارلر، باربرز کی دکانیں بند رہیں گی اور تعلیمی ادارے بند، مزارات پر بھی پابندی برقرار رہے گی۔

نوٹیفکیشن میں کہا گیا ہے کہ خریدار کیلئے ماسک نہ پہننے پر صورت میں تاجر کوئی بھی چیز فروخت نہیں کرے گا جبکہ 12 سال سے کم اور ساٹھ سال سے زائد افراد کے بازاروں میں آنے پابندی برقرار رہے ہیں۔

آزاد کشمیر کو دو ہفتوں کے لئے پھر لاک ڈاؤن کر دیا گیا

نوٹیفکیشن میں یہ بھی کہا گیا ہے کہ تاجروں پر محکمہ صحت کی ایس او پی فالو نہ کرنے کی صورت میں پانچ سے 15 ہزار کا جرمانہ ہو گا جبکہ درمیانی درجے کے ہوٹلوں کو خلاف ورزی کی صورت میں 15 ہزار اور فور سٹار ہوٹلوں کو ایک لاکھ تک جرمانہ ہو گا۔

نوٹیفکیشن میں مزید کہا گیا ہے کہ بلا ضرورت گھر سے نکلنے والے شہری کو 5 سو روپے جرمانہ ہوگا جبکہ دکانداروں کو خلاف ورزی کی صورت میں پانچ سے پندرہ ہزار جرمانہ ہوگا لیکن پرائیویٹ کمپنیز، تعمیراتی کمپنی، اور بنکوں پر ایس اوپی کی خلاف ورزی کی صورت میں پانچ لاکھ تک کے جرمانے کئے جائیں گے۔