وفاقی کابینہ کی جانب سے نیشنل کووآرڈینیشن کمیٹی (این سی سی) کے تمام فیصلوں میں توثیق کردی گئی ہے۔
تفصیلات کے مطابق آج وزیراعظم عمران خان کی زیر ڈرارت وفاقی کابینہ کا اجلاس منعقد ہوا جس میں کابینہ کی جانب سے این سی سی کے تمام فیصلوں کی توثیق کردی گئی ہے۔
اجلاس میں وفاقی کابینہ کو ملک بھر میں فصلوں پر ٹڈی دل حملے کی صورتحال پر بریفنگ دی گئی جبکہ ٹڈی دل حملے پر کابینہ کو این ڈی ایم اے اور حکام وزارت فوڈ سیکیورٹی مشترکہ بریفنگ بھی دی گئی ہے۔
اجلاس کے دوران وزیراعظم عمران خان کی جانب سے پیٹرولیم مصنوعات مہنگائی پر اثر انداز نہ ہونے پر ناراضگی کا اظہار کیا گیا اور ہدایت کی گئی ہے کہ پیٹرلیم مصنوعات کی قیمتوں میں کمی کا فائدہ عوام کو پہنچایا جائے۔
وزیراعظم کا طبی عملے کیلئے حفاظتی اقدامات نہ ہونے کا نوٹس
وزیراعظم نے اجلاس میں مشیر خزانہ کی سربراہی میں کمیٹی قائم کردی اور عبدالحفیظ شیخ کو اہم ٹاسک سونپ دیا ہے جس کے مطابق عبدالحفیظ شیخ مہنگائی میں کمی کے لئے صوبوں سے مشاورت کریں گے جبکہ چینی کی قیمت میں بھی کمی کی ہدایت دے دی گئی ہے۔
وزیراعظم کی زیر صدارت وفاقی کابینہ کے اجلاس میں کابینہ کا تمام شوگر ملز کے آڈٹ کا فیصلہ کیا گیا ہے اور کہا گیا ہے کہ 1985 سے اب تک تمام شوگر ملز کا آڈٹ کیا جائے گا۔
دوسری جانب اس اجلاس میں وفاقی کابینہ ملکی سیاسی، معاشی امور اور کورونا کی صورتحال، وفاقی بجٹ 2020 -21 سے متعلق پیش رفت کا جائزہ لیا گیا۔
اجلاس میں وفاقی کابینہ ایشیائی ترقیاتی بینک کو اسلام آباد میں دفتر تعمیر کرنے، فنانشئل مانیٹرنگ یونٹ کے ڈائریکٹر جنرل کی ڈیپوٹیشن پر تقرری، یوٹیلیٹی اسٹور کارپوریشن کی ملازمت کو لازمی سروسز کا حصہ قرار دینے اور ڈسٹرکٹ اینڈ سیشن جج محمد سعد قریشی کی بطور جج بنکنک کورٹ کراچی ڈیپوٹیشن میں توسیع کی منظوری دے دی گئی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News