ایم کیو ایم پاکستان کے رہنما خواجہ اظہار الحسن کہتے ہیں حکومت سندھ نوٹیفکیشن کے نام پر عوام کو بے وقوف بنانا اب بند کریں۔
تفصیلات کےمطابق ایم کیو ایم پاکستان کے رہنما خواجہ اظہارالحسن نے عارضی مرکز بہادر آباد میں پریس کانفرنس کے دوران سندھ پبلک سروس کمیشن کو مہاجر دشمن ادارہ قرار دے دیا اور کہا کہ سندھ حکومت لسانی بنیاد پر تفرقہ بازی پھیلانے سے باز نہیں آرہی ہے، سائیں سرکار نے کراچی سمیت سندھ بھر میں جعلی ڈومیسائل بناکر غیر قانونی ملازمتوں پر اپنے لوگوں کو بھرتی کیا ہے ۔
کنور نوید جمیل نے کہا کہ کراچی سمیت سندھ کی عوام ٹیکس کی مد میں ہزاروں ارب روہے وفاقی و صوبائی حکومتوں کو ادا کرتی ہے ، کراچی والوں کے ساتھ جاری ظلم اب بند ہونا چاہیے ، میرا سوال ہے میرٹ کی بنیاد پر نوکریاں کیوں نہیں دی جاتی۔
دوران پریس کانفرنس خواجہ اظہار الحسن نے سندھ حکومت کی بنائی گئی کمیٹی کو مسترد کردیا اور نیب سے جعلی ڈومیسائل کے معاملے کی شفاف تحقیقات کا مطالبہ بھی کردیا ہے کہا کہ نیب جعلی ڈومیسائل بنانے والے افسران کے خلاف کاروائی کرے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News