چیئرمین نیب جسٹس جاوید اقبال نے کہا ہے کہن نیب کا تعلق کسی سیاسی جماعت ، گروہ اور فرد سے نہیں ہے۔
تفصیلات کے مطابق چیئرمین نیب جسٹس ر جاوید اقبال کی زیر صدارت نیب ہیڈکوارٹر میں اہم اجلاس ہوا ، جس نیب کی مجموعی کارکردگی کا جائزہ لیا گیا۔
اجلاس میں فیصلہ کیا گیا کہ نیب میں جاری انویسٹیگیشن ، انکوائری اور شکایات کی جانچ پڑتال کو قانون کے مطابق مکمل کیا جائے گا۔
اجلاس میں نواز شریف، آصف علی زرداری ش شاید خاقان عباسی ،شہباز شریف، راجہ پرویز اشرف، سید یوسف رضا گیلانی ، اسحاق ڈار، سعد رفیق ، احسن اقبال، مراد علی شاہ، قائم علی شاہ ، مفتاح اسماعیل ، شوکت عزیز، اسلم رئیسانی، ثنا اللہ زہری ، فواد حسن فواد کے خلاف تحقیقات کا بھی جائزہ لیا گیا ۔
نیب اعلامیہ کے مطابق یہ امر قابل ذکر ہے کہ بی آر ٹی منصوبے کا کیس سپریم کورٹ میں زیر سماعت ہے، تمام اشتہاری اور مفرور ملزمان کی گرفتاری کے لیے قانون کے مطابق تمام وسائل بروئے کار لائے جائیں گے۔
نیب بدعنوانی سے نمٹنے کیلئے پرعزم ہے، چیئرمین نیب
نیب اعلامیہ میں یہ بھی کہا گیا ہے کہ معزز سپریم کورٹ آف پاکستان مزکورہ کیس کو نیب کی تحقیقات کے مطابق منطقی انجام تک پہنچائے گا۔
اس موقع پر چیئرمین نیب جسٹس جاوید اقبال نے کہا کہ میگا کرپشن کے مقدمات منطقی انجام تک پہنچانا نیب کی اولین ترجیح ہے۔
اجلاس کہ صدارت کرتے ہوئے چیئرمین نیب جسٹس جاوید اقبال نے مزید کہا کہ نیب کی وابستگی صرف اور صرف ریاست پاکستان سے ہے جبکہ نیب احتساب سب کیلئے پالیسی پر سختی سے عمل پیرا ہے۔
چیئرمین نیب جسٹس ر جاوید اقبال کی زیر صدارت نیب ہیڈکوارٹر میں ہونے والے اجلاس میں ڈی جیز نیب ، پراسیکیوشن ، آپریشن ونگ کے افسران ویڈیو لنک کے ذریعے شریک ہوئے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News